മാഹി:പള്ളൂർ കസ്തൂർബ ഗാന്ധി ഗവ.ഹൈസ്‌കൂൾ പള്ളൂരിൽ മാഹി പോലീസ് , ചൈൽഡ് ആൻഡ് വുമെൻ വെൽഫെയർ എന്നിവയുടെ ആഭിമുഖ്യത്തിൽ കുട്ടികൾക്ക് വേണ്ടി നടത്തിയ ബോധവത്കരണ ക്ളാസ് മാഹി സർക്കിൾ ഇൻസ്‌പെക്ടർ ബി.എം. മനോജ് ഉദ്ഘാടനം ചെയ്തു. ചൈൽഡ് വെൽഫെയറിനെ കുറിച്ച് ആർ.എം.ദൃശ്യയും പി.ബൈനിയും ക്ളാസെടുത്തു. പോക്‌സോ ആക്ട് , സൈബർ ക്രൈം എന്നിവയെക്കുറിച്ച് എസ്.ഐ പി.ബീന , എ.എസ്.ഐ സ്വപ്ന, എ.എസ്.ഐ സുജിത്ത് എന്നിവർ ക്ളാസെടുത്തു. ഹെഡ്മാസ്റ്റർ ഇൻ ചാർജ് എ.അജിത് പ്രസാദ് അദ്ധ്യക്ഷത വഹിച്ചു.സീനിയർ അദ്ധ്യാപികമാരായ ടി.വി.സിന്ധു സ്വാഗതവും സി തുഷാര നന്ദിയും പറഞ്ഞു.