പൊൻകുന്നം: ശബരിമല തീർത്ഥാടന കാലത്ത് മോട്ടോർ വാഹനവകുപ്പ് നടത്തുന്ന സേഫ് സോൺ എരുമേലി പദ്ധതിയിൽ താത്കാലിക ഡ്രൈവർ കം അറ്റൻഡർ ആയി സേവനമനുഷ്ഠിക്കാൻ താല്പര്യമുള്ള അഞ്ചുവർഷം പ്രവൃത്തിപരിചയമുള്ള ഡ്രൈവർമാരിൽ നിന്നും അപേക്ഷ ക്ഷണിച്ചു. ലൈസൻസ്, ആധാർ എന്നിവയുടെ പകർപ്പ്, പാസ്‌പോർട്ട്‌സൈസ് ഫോട്ടോ, പൊലീസ് ക്ലിയറൻസ് റിപ്പോർട്ട് എന്നിവ സഹിതം ആറിന് മുൻപായി കാഞ്ഞിരപ്പള്ളി ജോയിന്റ് ആർ.ടി.ഒയ്ക്ക് അപേക്ഷ നൽകണം. പ്രായോഗിക പരീക്ഷ ഏഴിന് രാവിലെ ഒൻപതിന് അട്ടിക്കലുള്ള ടെസ്റ്റിംഗ് ഗ്രൗണ്ടിൽ നടക്കും. സേഫ്‌സോണിൽ മുൻകാല പരിചയമുള്ളവർക്ക് മുൻഗണന. മണ്ഡല മകരവിളക്ക് കാലത്തേക്കായിരിക്കും നിയമനം. അപേക്ഷാ ഫോറം കാഞ്ഞിരപ്പള്ളി ജോയിന്റ് ആർ.ടി.ഓഫീസിൽ ലഭിക്കും.