വൈക്കം : തോട്ടുവക്കം നടുവിലെ പാലത്തിന്റെ സമീപം നടത്തുന്ന മത്സ്യ വ്യാപാരം നിയന്ത്രിക്കണമെന്ന് ബി.ജെ.പി മുനിസിപ്പൽ കമ്മിറ്റി ആവശ്യപ്പെട്ടു. ഈ ഭാഗത്ത് ഗതാഗതക്കുരുക്കും അപകടങ്ങളും പതിവാണ്. കഴിഞ്ഞ ദിവസവും ഒരു കുട്ടിയുടെ കാലിന് ഗുരുതര പരിക്കേ​റ്റു. ഇത് സംഘർഷത്തിനിടയാക്കി. മത്സ്യാവശിഷ്ടം കെ. വി കനാലിൽ തള്ളുന്നതിനാൽ രുക്ഷമായ ദുർഗന്ധമാണ് ഉയരുന്നത്. നഗരസഭ പുതുക്കി പണിത ശ്രീമൂലം മാർക്ക​റ്റിലെ കടമുറികൾ ലേലം പോകാതെ കിടക്കുമ്പോഴാണ് അനധികൃത കച്ചവടം നടക്കുന്നത്. ബി.ജെ.പി മുനിസിപ്പൽ പ്രസിഡന്റ് ഇൻ-ചാർജ് പി. ശിവരാമകൃഷ്ണൻ അദ്ധ്യക്ഷത വഹിച്ചു. വൈസ് പ്രസിഡന്റ് സുരേഷ് കുമാർ,ജനറൽ സെക്രട്ടറി സുമിത് മോൻ, സെക്രട്ടറി മഞ്ചേഷ് തുടങ്ങിയവർ പ്രസംഗിച്ചു.