കൊല്ലപ്പള്ളി: ലോറിയിൽ നിന്നും കയർ പൊട്ടി ഉരുളൻ തടി ദേഹത്ത് വീണ് തൊഴിലാളിക്ക് സാരമായി പരിക്കേറ്റു. കൊടുമ്പിടി ആനിച്ചുവട്ടിൽ കൂട്ടായി (54) യ്ക്കാണ് പരിക്കേറ്റത്. കൊടുമ്പിടി ഉള്ളനാട് റോഡിന് സമീപമാണ് അപകടം. ലോറിയിൽ തടികയറ്റി വരുമ്പോൾ റോഡിന്റെ തിട്ടയിടിഞ്ഞ് ലോറി താഴ്ന്നു. ലോറി തള്ളി കയറ്റുന്നതിനിടയിൽ കയർ പൊട്ടി തടി പതിക്കുകയായിരുന്നു. സാരമായി പരിക്കേറ്റ കുട്ടായി കോട്ടയം മെഡിക്കൽ കോളജ് ആശുപത്രിയിൽ ചികിത്സയിലാണ്.