പാലാ: പാലാ സെന്റ് തോമസ് എച്ച്.എസ്.എസിൽ മൽസ്യക്കൃഷിക്ക് തുടക്കമായി. അഗ്രിമ സൊസൈറ്റിയുമായി ചേർന്നാണ് കുട്ടികളും കൃഷിയിലേക്ക് എന്ന പദ്ധതിയിൽപ്പെടുത്തി പച്ചക്കറിക്കൃഷിക്കൊപ്പം മത്സ്യക്കൃഷിയും നടത്തുന്നത്. സ്‌കൂളിനോട് ചേർന്നുള്ള ചെറിയ ഓലി കെട്ടിയൊരുക്കിയാണ് മത്സ്യക്കൃഷി നടത്തുന്നത്. പാലാ മുൻസിപ്പൽ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ബൈജു കൊല്ലമ്പറമ്പിൽ ഉദ്ഘാടനം നിർവ്വഹിച്ചു. പരീക്ഷണാടിസ്ഥാനത്തിൽ 100 നട്ടർ മൽസ്യക്കുഞ്ഞുങ്ങളെയാണ് നിക്ഷേപിച്ചത്. പ്രിൻസിപ്പൽ റെജിമോൻ കെ.മാത്യു, റോവർ ലീഡർ നോബി ഡൊമിനിക്ക്, റെയ്ഞ്ചർ ലീഡർ അനിറ്റ അലക്സ് എന്നിവർ നേതൃത്വം കൊടുക്കുന്നു.