കോട്ടയം: ബാംഗ്ലൂർ കൊച്ചുവേളി ശബരി സ്‌പെഷ്യൽ ട്രെയിന് ഏറ്റുമാനൂരിൽ സ്റ്റോപ്പ് അനുവദിച്ചു. 12 മുതൽ ജനുവരി 28 വരെ എല്ലാ ചൊവ്വാഴ്ചയും തിരുവനന്തപുരം നോർത്ത് (കൊച്ചുവേളിയിൽ) നിന്ന് പുറപ്പെട്ട് ബാംഗ്ലൂർ വരെ പോകുന്ന ട്രെയിൻ നമ്പർ 06083
ശബരി പ്രതിവാര സ്‌പെഷ്യലിനാണ് ഏറ്റുമാനൂർ സ്റ്റേഷനിൽ സ്റ്റോപ്പ് അനുവദിച്ചത്. ശബരി സ്‌പെഷ്യൽ ട്രെയിനുകൾക്ക് സ്റ്റോപ്പ് അനുവദിക്കണമെന്നാവശ്യപ്പെട്ട് ഏറ്റുമാനൂർ പാസഞ്ചേഴ്സ് അസോസിയേഷൻ ഫ്രണ്ട്സ് ഓൺ റെയിൽസ് നിവേദനം നൽകിയിരുന്നു. മണ്ഡല കാലത്ത് ഏറ്റുമാനൂർ ക്ഷേത്രത്തിന്റെ പ്രാധാന്യം കണക്കിലെടുത്ത് കൂടുതൽ ശബരി സ്‌പെഷ്യൽ ട്രെയിനുകൾക്ക് സ്റ്റോപ്പ് പരിഗണിക്കണമെന്ന് കേന്ദ്ര സഹമന്ത്രി ജോർജ്ജ് കുര്യനെ സന്ദർശിച്ച് ഫ്രണ്ട്സ് ഓൺ റെയിൽസ് ജില്ലാ സെക്രട്ടറി ശ്രീജിത്ത് കുമാർ നിവേദനം നൽകിയിരുന്നു.