കോട്ടയം: ജില്ലയിലെ അഭ്യസ്തവിദ്യരായ തൊഴിലന്വേഷകർക്ക് മികച്ച തൊഴിലവസരങ്ങൾ കണ്ടെത്തുന്നതിനും, നൂതന തൊഴിൽ - നൈപുണ്യ സാദ്ധ്യതകൾ മനസിലാക്കുന്നതിനുമായി ജില്ലാതല തൊഴിൽ ദാതാക്കളുടെ സംഗമം സംഘടിപ്പിച്ചു. കുടുംബശ്രീ ജില്ലാമിഷൻ മുഖേന നടപ്പാക്കുന്ന തൊഴിൽദായക പദ്ധതി ഡിഡിയുജികെവൈയും കേരള നോളജ് ഇക്കോണമി മിഷനും സംയുക്തമായാണ് പരിപാടി നടത്തിയത്. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു ഉദ്ഘാടനം ചെയ്തു. ജില്ലാ കളക്ടർ ജോൺ വി സാമുവൽ മുഖ്യപ്രഭാഷണം നടത്തി. കുടുംബശ്രീ ജില്ലാമിഷൻ കോ-ഓർഡിനേറ്റർ അഭിലാഷ് കെ ദിവാകർ, അസിസ്റ്റന്റ് ജില്ലാമിഷൻ കോ-ഓർഡിനേറ്റർ പ്രകാശ് ബി നായർ, സ്‌റ്റേറ്റ് മാനേജർമാരായ എസ്. ലുമിന, ദാസ് വിൻസന്റ്, ബി.സി. അപ്പു എന്നിവർ പങ്കെടുത്തു.