അരുവിത്തുറ: അരുവിത്തുറ സെന്റ് ജോർജസ് കോളേജ് ബി.സി.എ വിഭാഗം സോഫ്റ്റെവെയർ ഡെവലപ്‌മെന്റ് മേഖലയിൽ. ഇന്നൊവേഷൻ, നൈപുണ്യ വികസനം എന്നിവ പ്രോത്സാഹിപ്പിക്കുന്നതിനായി സോഫ്റ്റെവെയർ ഡെവലപ്‌മെന്റ് കമ്പനിയായ കൊച്ചി ഡിജിറ്റലുമായി ധാരണാപത്രം ഒപ്പുവച്ചു.

സംയുക്ത സോഫ്റ്റെവെയർ വികസന പദ്ധതികളിൽ സഹകരിക്കാൻ വിദ്യർത്ഥികൾക്ക് അവസരമൊരുങ്ങും. ഗവേഷണ അധിഷ്ഠിത ആപ്ലിക്കേഷനുകൾ, നൂതന സോഫ്റ്റെവെയർ ഉൽപ്പന്നങ്ങൾ എന്നിവ ഉൾപ്പെടെയുള്ള പദ്ധതികൾ പങ്കാളിത്തത്തിന്റെ ഭാഗമാണ്. സഹകരണത്തിന്റെ ഭാഗമായി വിദ്യാർത്ഥികൾക്ക് ഇന്റേൺഷിപ്പ്, സ്‌കിൽ ഡെവലപ്‌മെന്റ, മെന്റർഷിപ്പ് പ്രോഗ്രാമുകൾ തുടങ്ങിയ സാധ്യമാകും.

അരുവിത്തുറ സെന്റ് ജോർജ് കോളേജസ് കോളേജിനായി പ്രിൻസിപ്പൽ പ്രൊഫ ഡോ.സിബി ജോസഫും കൊച്ചി ഡിജിറ്റലിനായി സി.ഇ.ഒ ദീപു ജോബും ധാരണാപത്രത്തിൽ ഒപ്പുവച്ചു. കംപ്യൂട്ടർ ആപ്ലിക്കേഷൻസ് വിഭാഗം മേധാവി ഡോ.ജെസ്റ്റിൻ ജോയി, അധ്യാപകരായ ലിനു ടി ജെയിംസ്, ഡോ. സൗമ്യ ജോർജ്, ഡോ. ജെമിനി ജോർജ് എന്നിവർ സന്നിഹിതരായിരുന്നു.