കോട്ടയം : കേന്ദ്രസർക്കാരിന്റെ കുത്തകാനുകൂല , കർഷക ദ്രോഹനയങ്ങൾക്കെതിരെ രാജ്യവ്യാപക പ്രതിഷേധ പരിപാടികളുടെ ഭാഗമായി ഓൾ ഇന്ത്യ കിസാൻ ഖേത് മസ്ദൂർ ജില്ലാ കമ്മറ്റിയുടെ നേതൃത്വത്തിൽ കുറവിലങ്ങാട് പ്രതിഷേധ ധർണ്ണ നടത്തി. ഉത്പാദന ചെലവിന്റെ ഒന്നര മടങ്ങ് വില നൽകി കാർഷിക ഉത്പന്നങ്ങൾ സർക്കാർ സംഭരിക്കുക, കർഷകർക്കും കർഷക തൊഴിലാളികൾക്കും പ്രതിമാസം 10,000 രൂപ വീതം പെൻഷൻ നൽകുക തുടങ്ങിയ ആവശ്യങ്ങൾ ഉന്നയിച്ച് ജില്ലാ കളക്ടർക്ക് നിവേദനവും നൽകി. സംസ്ഥാന സെക്രട്ടറി എൻ.വിനോദ് കുമാർ ഉദ്ഘാടനം ചെയ്തു. ടി.ജെ ജോണിക്കുട്ടി, കെ. പി വിജയൻ, എ.ജി അജയകുമാർ , സണ്ണി എം. ജെ, കുഞ്ഞുമോൻ കല്ലറ, വ്യാസൻ കല്ലറ തുടങ്ങിയവർ പ്രസംഗിച്ചു.