കോട്ടയം : സംസ്ഥാന ജീവനക്കാർക്കും പെൻഷൻകാർക്കുമുള്ള മെഡിസെപ്പ് പദ്ധതി അപാകതകൾ പരിഹരിച്ച് കൂടുതൽ ആശുപത്രികൾ ഉൾപ്പെടുത്തി നടപ്പാക്കണമെന്ന് കേരള പെൻഷണേഴ്‌സ് ഫ്രണ്ട് സംസ്ഥാന കൺവെൻഷൻ ആവശ്യപ്പെട്ടു. മുഴുവൻ ചികിത്സാ ചെലവും അനുവദിക്കണം. പദ്ധതിയിൽ തുടരാൻ താത്പര്യമില്ലാത്തവരെ വിട്ടുപോകാൻ അനുവദിക്കണം. സംസ്ഥാന പ്രസിഡന്റ് വി.എം. മോഹനൻ പിള്ള ഉദ്ഘാടനം ചെയ്തു. ജനറൽ സെക്രട്ടറി മൈക്കിൾ സിറിയക്ക് അദ്ധ്യക്ഷത വഹിച്ചു. പി. രാധാകൃഷ്ണകുപ്പ്, ജേക്കബ് പി.ടി,ബാബു ജോസഫ്, ജോയി അഗസ്റ്റ്യൻ, പി. റ്റി. മാത്യു, റ്റി.എം. ജോസഫ്, മോൻസി ജോർജ് പി, ജെയ്‌സൺ ജോസഫ്, എന്നിവർ പ്രസംഗിച്ചു.