തലയോലപ്പറമ്പ് : എസ്.എൻ.ഡി.പി യോഗം 1798ാം നമ്പർ കാഞ്ഞിരമ​റ്റം ആമ്പല്ലൂർ ശാഖയിൽ ഗുരുജ്ഞാന സരണി ഒന്നാം ദിവസം യൂണിയൻ പ്രസിഡന്റ് ഇ.ഡി.പ്രകാശൻ ഉദ്ഘാടനം ചെയ്തു. സ്വാമി മുക്താനന്ദ യതി ഗുരുദർശനം കുടുംബജീവിതത്തിൽ എന്ന വിഷയത്തിൽ പ്രഭാഷണം നടത്തി. ശാഖാ പ്രസിഡന്റ് എ.ആർ. മോഹനൻ, സെക്രട്ടറി കെ.പി.ബിജീഷ് , സ്വാമിനി നിത്യചിന്മയി, മീരാ വിജയൻ, സേതുലക്ഷ്മി ,സജി കാഞ്ഞിരമ​റ്റം എന്നിവർ പ്രസംഗിച്ചു. 24 ന് വൈകിട്ട് 5ന് നടക്കുന്ന സമാപന സമ്മേളനം യോഗം ജനറൽ സെക്രട്ടറി വെള്ളാപ്പളളി നടേശൻ ഉദ്ഘാടനം ചെയ്യും. കാർഷിക പ്രദർശനം. വ്യാവസായിക പ്രദർശനം. പുസ്തക പ്രദർശനം എന്നിവയും സംഘടിപ്പിച്ചിട്ടുണ്ട്.