പാലാ: സെന്റ് തോമസ് ഹയർ സെക്കൻഡറി സ്‌കൂളിലെ എൻ.എസ്.എസ്, റോവർ, റേഞ്ചർ എന്നീ യൂണിറ്റുകളുടെ ആഭിമുഖ്യത്തിൽ, പാലാ ഗവ. ഹോമിയോ ആശുപത്രിയിൽ പുസ്തക തണൽ ഒരുക്കി. കുട്ടികൾ സമാഹരിച്ച 86 പുസ്തകങ്ങളും 44 മാഗസിനുകളും ആശുപത്രിക്ക് കൈമാറി. പ്രോഗ്രാമിന്റെ ഉദ്ഘാടനം പാലാ നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ബൈജു കൊല്ലംപറമ്പിൽ, പസ്തകങ്ങൾ ചീഫ് മെഡിക്കൽ ഓഫീസർ ഡോക്ടർ സാജൻ ചെറിയാന് നൽകിക്കൊണ്ട് ഉദ്ഘാടനം ചെയ്തു.സ്‌കൂൾ പ്രിൻസിപ്പൽ റെജിമോൻ കെ മാത്യു സ്വാഗതം ആശംസിച്ചു. എൻ.എസ്.എസ് പ്രോഗ്രാം കോഡിനേറ്റർ അൽഫോൻസാ ജോസഫ്, റോവർ ലീഡർ നോബി ഡോമിനിക്, റെയിഞ്ചർ ലീഡർ അനിറ്റ അലക്സ് എന്നിവർ പരിപാടികൾക്ക് നേതൃത്വം നൽകി.