ചായ കുടിക്കാൻ ഇഷ്ടമില്ലാത്തവർ ആരാണുള്ളതല്ലേ? ചായയിൽ തന്നെ പലതരം വ്യത്യസ്തയും പരീക്ഷിക്കുന്നവർ ഒരുപാടുണ്ട്. അടുത്തിടെയായി ചായക്കടയിൽ എത്തുന്നവർ കൂടുതലും തിരഞ്ഞെടുക്കുന്നത് മിന്റ് കട്ടനാണ്. ചൂട് കട്ടൻ ചായയിൽ പുതിന ഇലയും ചേർത്ത് തരുന്ന ചായയാണ് ഇത്. ദഹനത്തിന് നല്ലതാണെന്ന് പറഞ്ഞാണ് ഇത് കൂടുതൽ പേരും കഴിക്കുന്നത്. വയറുനിറച്ച് ഭക്ഷണം കഴിച്ച് ഒരു പുതിന ചായ കൂടി കഴിച്ചാൽ സൂപ്പറാണെന്നാണ് പലരും പറയുന്നത്. എന്നാൽ ഈ പുതിന ചായ കുടിച്ചാൽ നമ്മുടെ ശരീരത്തിൽ ഉണ്ടാക്കുന്ന മാറ്റങ്ങൾ എന്തൊക്കെയാണെന്ന് നോക്കാം...

1, സ്‌ട്രെസ് കുറയ്ക്കുന്നു: പുതിന ചായയിലെ പ്രകൃതിദത്തമായ മെന്തോളിന് സമ്മർദ്ദവും ഉത്കണ്ഠയും കുറയ്ക്കാൻ സഹായിക്കുന്നു.

2, ശ്വസന ആരോഗ്യം മെച്ചപ്പെടുത്തുന്നു: പുതിന ചായയിലെ മെന്തോൾ അടഞ്ഞ ശ്വാസനാളങ്ങൾ തുറക്കാനും മൂക്കിൽ അനുഭവപ്പെടുന്ന മറ്റ് ബുദ്ധിമുട്ടുകൾ ഒഴിവാക്കാനും സഹായിക്കുന്നു. കൂടാതെ തൊണ്ടയിൽ അനുഭവപ്പെടുന്ന ബുദ്ധിമുട്ടുകളും കുറയ്ക്കും.

3, ദഹനത്തെ സഹായിക്കുന്നു: പുതിന ചായയ്ക്ക് ദഹനക്കേട്, വയറിളക്കം, ഗ്യാസ് എന്നിവ ഒഴിവാക്കാനും ആരോഗ്യകരമായ ദഹനവ്യവസ്ഥ ഉണ്ടാക്കിയെടുക്കാനും സഹായിക്കുന്നു.

4, പ്രതിരോധശേഷി വർദ്ധിപ്പിക്കുന്നു: ആന്റിഓക്സിഡന്റുകളാൽ സമ്പുഷ്ടമായ പുതിന ചായ അണുബാധയ്‌ക്കെതിരായ പ്രതിരോധശേഷി ശക്തിപ്പെടുത്താൻ നിങ്ങളെ സഹായിക്കുന്നു.

5, തലവേദനയ്ക്ക് ശമനം: പുതിന ചായയിലെ മെന്തോൾ പേശികളെ അയവുവരുത്തുകയും പിരിമുറുക്കം ലഘൂകരിക്കുകയും തലവേദനയിൽ നിന്ന് ആശ്വാസം നൽകുകയും ചെയ്യും.

6, ചർമ്മത്തിന്റെ ആരോഗ്യം മെച്ചപ്പെടുത്തുന്നു: പുതിന ചായയിലെ ആന്റിഓക്സിഡന്റുകൾ ചർമ്മത്തിന്റെ ആരോഗ്യത്തിന് സഹായിക്കുന്നു, മുഖക്കുരുവും മറ്റ് ചർമ്മ പ്രശ്നങ്ങളും കുറയ്ക്കും.