മലപ്പുറം: മലപ്പുറം പ്രസ്‌ക്ലബ്ബിന്റെ സ്ഥാപകരിൽ പ്രമുഖനും ദേശാഭിമാനി മലപ്പുറം ബ്യൂറോ ചീഫുമായിരുന്ന പാലോളി കുഞ്ഞിമുഹമ്മദിന്റെ സ്മരണയ്ക്കായി മലപ്പുറം പ്രസ്‌ക്ലബ്ബ് ഏർപ്പെടുത്തിയ 'പാലോളി കുഞ്ഞിമുഹമ്മദ് സ്മാരക മാദ്ധ്യമ പുരസ്‌കാര'ത്തിന് അപേക്ഷ ക്ഷണിച്ചു. കോഡൂർ സർവിസ് സഹകരണ ബാങ്കുമായി സഹകരിച്ചാണ് പുരസ്‌കാരം നൽകുന്നത്.

2023 ജനുവരി ഒന്നു മുതൽ ഡിസംബർ 31വരെ മലയാളം ദിനപത്രങ്ങളിൽ പ്രസിദ്ധീകരിച്ച വികസനോൻമുഖ റിപ്പോർട്ടുകളാണ് അവാർഡിനു പരിഗണിക്കുക.25,000 രൂപയും ശിൽപവും പ്രശസ്തി പത്രവും അടങ്ങുന്നതാണ് പുരസ്‌കാരം. റിപ്പോർട്ടിന്റെ മൂന്ന് പകർപ്പും ന്യൂസ് എഡിറ്ററുടെ സാക്ഷ്യപത്രവും സഹിതം ഡിസംബർ 20നകം സെക്രട്ടറി, മലപ്പുറം പ്രസ്‌ക്ലബ്ബ്, മഞ്ചേരി റോഡ്, കുന്നുമ്മൽ, മലപ്പുറം, 676505 എന്ന വിലാസത്തിൽ അയക്കണം. ഫോൺ: 9995871112. കവറിന് പുറത്ത് പാലോളി കുഞ്ഞിമുഹമ്മദ് മാദ്ധ്യമ പുരസ്‌കാര എൻട്രി എന്ന് രേഖപ്പെടുത്തേണ്ടതാണ്.

പത്രസമ്മേളനത്തിൽ കോഡൂർ സർവിസ് സഹകരണ ബാങ്ക് മുൻപ്രസിഡന്റ് വി.പി.അനിൽ, ബാങ്ക് പ്രസിഡന്റ് പാലോളി അബ്ദുറഹിമാൻ, മലപ്പുറം പ്രസ്‌ക്ലബ്ബ് പ്രസിഡന്റ് എസ്.മഹേഷ്‌കുമാർ, സെക്രട്ടറി വി.പി.നിസാർ, സീനിയർ ജേണലിസ്റ്റ് ഫോറം കേരള ജില്ലാ പ്രസിഡന്റ് വീക്ഷണം മുഹമ്മദ് എന്നിവർ പങ്കെടുത്തു.