റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com

2024 നവംബർ 16 1200 വൃശ്ചികം 1, ശനിയാഴ്ച. ( രാത്രി 7 മണി 27 മിനിറ്റ് 39 സെക്കന്റ് വരെ കാർത്തിക നക്ഷത്രം ശേഷം രോഹിണി നക്ഷത്രം )

അശ്വതി: ബിസിനസ്സിൽ നേട്ടങ്ങൾ കൈവരിക്കും. ആത്മാർത്ഥമായി പെരുമാറും, തൊഴിലിൽ ഉന്നതി, ധനപരമായ നേട്ടം, ദുരിതവും കഷ്ടപ്പാടുകളും മാറും, ഭാഗ്യം അനുകൂലമായി നിൽക്കുന്നു, ഉത്തരവാദിത്വത്തോടെ ജോലികൾ ചെയ്തു തീർക്കും.

ഭരണി: കർമരംഗത്തും സാമ്പത്തികരംഗത്തും ഉയർച്ച ഉണ്ടാകും. കലാപരമായ കാര്യങ്ങൾക്കായി കൂടുതൽ സമയം ചെലവഴിക്കും, ജോലിക്കുള്ള അറിയിപ്പുകൾ കിട്ടും. ആത്മവിശ്വാസക്കൂടുതൽ, എല്ലാവരുടെയും വിശ്വാസം ആർജിക്കും, ഈശ്വരാധീനം ഉണ്ടാകും.

കാർത്തിക: സേനാവിഭാഗങ്ങളിലുള്ളവർക്കും, കായികരംഗത്തുള്ളവർക്കും ഉയർച്ച ഉണ്ടാകും. ബന്ധുജനങ്ങളിൽ നിന്നുള്ള സഹായം ലഭിക്കും. സ്ത്രീകൾക്ക് അംഗീകാരം, വളരെ ആലോചിച്ചു മാത്രം തീരുമാനങ്ങൾ എടുക്കുക. ദാമ്പത്യ സുഖകൂടുതൽ, രോഗശാന്തിയും, മനസ്സമാധാനവും.

രോഹിണി: തൊഴിൽ പരമായ മാറ്റങ്ങൾ പ്രതീക്ഷിക്കാം. കുടുംബസമേതം യാത്ര നടത്താൻ സാധിക്കും. കലാപരമായ കാര്യങ്ങളിൽ അതിയായ താൽപ്പര്യം, ആകർഷകമായി സംസാരിക്കും, നിർബന്ധബുദ്ധി കാണിക്കും. സാമ്പത്തികമായി മേന്മയുള്ള സമയം, ഹോട്ടൽ രംഗത്ത് നിന്നും കൂടുതൽ വരുമാനം .

മകയിരം: പുരുഷന്മാർക്ക് സ്ത്രീ വിഷയങ്ങളിൽ ഉള്ള അമിതമായ താല്പര്യം ദോഷം ചെയ്യും, പലതരത്തിൽ ഉള്ള സാമ്പത്തിക വിഷമതകൾ നേരിടും, പണം സൂക്ഷിച്ചു കൈകാര്യം ചെയ്യുക, കഴിവതും രാത്രി യാത്രകൾ ഒഴിവാക്കുക. സന്താനങ്ങൾക്ക് അസുഖം, ജോലിക്കൂടുതൽ അനുഭവപ്പെടും.

തിരുവാതിര: സർക്കാർ ജോലിക്കുള്ള പരിശ്രമം വിജയിച്ചെന്നു വരില്ല. യാത്രയിൽ പല വിധത്തിൽ ബുദ്ധിമുട്ടുകൾ, ദാമ്പത്യസുഖക്കുറവ്, യാത്രകൾ ഒഴിവാക്കുക.രോഗം മൂലമുള്ള കഷ്ടപ്പാട് വർദ്ധിക്കും, പങ്കാളിയെ തൊഴിൽ സംബന്ധമായി പിരിഞ്ഞിരിക്കേണ്ടി വരും.

പുണർതം: ദാമ്പത്യ പ്രശ്നങ്ങൾ പരിഹരിക്കും. ദമ്പതികളുടെ കാര്യത്തിൽ സുഖവും സമാധാനവും അനുഭവത്തിൽ വരും, സന്തോഷം നിറഞ്ഞ സമയം. മകൾക്ക് വിവാഹത്തിനുണ്ടായിരുന്ന തടസ്സങ്ങൾ അകലും, വാഹനഭാഗ്യം സിദ്ധിക്കും. കലാരംഗത്ത് പ്രവർത്തിക്കുന്നവർക്ക് നല്ല അവസരങ്ങൾ ലഭിക്കും.

പൂയം: ആരോഗ്യപരമായി ചില ബുദ്ധിമുട്ടുകൾ നേരിട്ടേക്കാം. അന്യദേശത്ത് തൊഴിലിൽ കുഴപ്പങ്ങൾ, ശത്രുക്കളുടെ ഉപദ്രവം വർദ്ധിക്കും. ധനനഷ്ടം, ഏറ്റെടുത്ത പദ്ധതികൾ പൂർത്തിയാക്കാൻ പ്രയാസപ്പെടും, കുടുംബ ബന്ധങ്ങളിൽ അസ്വാരസ്യം ഉടലെടുക്കും.

ആയില്യം: തൊഴിൽ പരമായ മാറ്റങ്ങൾ പ്രതീക്ഷിക്കാം. വിവാഹ ആലോചനകളിൽ തീരുമാനങ്ങൾ ഉണ്ടാകും. സുഖാനുഭവങ്ങൾ, ആരോഗ്യ പരിപാലനം നടത്തും, ഇഷ്ടപ്പെട്ട ജീവിത പങ്കാളിയെ ലഭിക്കും. സ്ത്രീകൾക്ക് തൊഴിൽ രംഗത്ത് നിന്നും അഭിമാനവും അംഗീകാരവും, ആഭരണങ്ങൾ സമ്മാനമായി കിട്ടും.

മകം: അവശ്യ സമയത്ത് ബന്ധുജന സഹായമെത്തും. വ്യാപാര രംഗത്ത് പ്രവർത്തിക്കുന്നവർക്ക് പൊതുവെ നല്ല ദിനം. സമ്മാനാദികൾ ലഭിക്കും,ആഡംബര വസ്തുക്കളുടെ ശേഖരം വർദ്ധിപ്പിക്കും. വീടുപണി ആരംഭിക്കുകയോ അറ്റകുറ്റപണികൾ നടത്തുകയോ ചെയ്യും, സന്താനഭാഗ്യം സിദ്ധിക്കും.

പൂരം: ആരോഗ്യപരമായി നിലനിന്നിരുന്ന പ്രശ്നങ്ങൾ പരിഹരിക്കപ്പെടും. ഭവനത്തിൽ നവീകരണ പ്രവർത്തനം നടത്തുന്നതിന് തുടക്കം കുറിക്കും. യാത്ര കൊണ്ട് ഗുണം കിട്ടും, എല്ലാവരുടെയും സഹായത്താൽ കാര്യനിർവ്വഹണം. സ്വന്തം കൗശലം കൊണ്ട് ദുഷ്‌കരമായിരുന്നു എന്ന് കരുതിയിരുന്ന സംഗതികൾ വരുതിയിലാകും.

ഉത്രം: തൊഴിൽ പരമായ മാറ്റങ്ങൾ, സുഹൃത്തുക്കൾ വഴി സഹായം ഇവ ഫലം. വിദേശത്ത് നിന്ന് മനസിന് സന്തോഷം ലഭിക്കുന്ന വാർത്തകൾ ലഭിക്കും. അപ്രതീക്ഷിത ധനനേട്ടം, അസ്ഥി സംബന്ധമായ വേദനയ്ക്ക് നേരിയതോതിൽ ശമനം. സുഖാനുഭവങ്ങൾ, കലാപരമായും സാഹിത്യപരമായും നല്ല സമയം, വാക്ചാതുര്യം പ്രകടിപ്പിക്കും.

അത്തം: വിദ്യാഭ്യാസത്തിൽ പുരോഗതി ഉണ്ടാകും. കലാരംഗത്ത് പ്രവർത്തിക്കുന്നവർക്ക് നല്ല അവസരങ്ങൾ ലഭിക്കും. കുടുംബത്തിൽ സമാധാനം കിട്ടത്തക്ക വണ്ണമുള്ള പ്രവൃത്തികൾ കാഴ്ചവയ്ക്കും, ധനനേട്ടം. വശ്യമായി സംസാരിക്കുന്നതിലൂടെ മറ്റുള്ളവരെ ആകർഷിക്കാൻ സാധിക്കും, വാഹന ഭാഗ്യം, കർമ്മസുഖം, വരവ് കൂടും.

ചിത്തിര: പുതിയ ചില ഉത്തരവാദിത്തങ്ങൾ ഏറ്റെടുക്കേണ്ടി വരും. സഹോദരഗുണം ഉണ്ടാകും. സന്താനങ്ങളുടെ ജോലി സംബന്ധമായി ചില യാത്രകൾ നടത്തേണ്ടി വരും. വ്യവഹാരങ്ങളിൽ വിജയം, ആരോഗ്യപരമായി നല്ല ദിവസം ,സ്വന്തം താല്പര്യങ്ങൾ സംരക്ഷിക്കും. അന്യരുടെ പ്രയാസത്തിൽ സമാശ്വാസം കൊടുക്കും, യാത്രയിൽ നേട്ടം.

ചോതി: ഏതൊരു കാര്യവും പലവട്ടം ചിന്തിക്കുക എന്നത് ശീലിക്കുക. ദാമ്പത്യ ജീവിതത്തിൽ പ്രശ്നങ്ങൾ ഉടലെടുക്കും. സഹോദര ദുരിതത്തിനു സാദ്ധ്യത. ദുർവാശി ഒഴിവാക്കുക. സ്വദേശം വിട്ടു താമസിക്കാൻ താല്പര്യം വർദ്ധിക്കും, ചതിയിൽ പെടും, നേരത്തെ ഉണ്ടായിരുന്ന വിഷമതകൾ മാറും, ആഡംബര പ്രിയം വർദ്ധിക്കും.

വിശാഖം: മംഗളകർമ്മങ്ങളിൽ പങ്കെടുക്കുന്നതിന് സാധിക്കും. ബന്ധു സമാഗമം, സന്താന ഗുണം എന്നിവ ഉണ്ടാകും. പരുഷമായി സംസാരിച്ചു സ്വന്തം കാര്യം നേടും, തെറ്റിദ്ധാരണകൾ മാറിക്കിട്ടും. കുടുംബഭദ്രത കൈവരിക്കും, ജോലിയിൽ നിന്നും കൂടുതൽ വരുമാനം.

അനിഴം: ഭക്ഷണ സുഖം ഉണ്ടാകും. ഇഷ്ട സ്ഥലത്തേയ്ക്ക് യാത്ര ചെയ്യാനുള്ള യോഗം. ആരോഗ്യം വീണ്ടെടുക്കും. സംസാരം വളരെ നിയന്ത്രിക്കണം. പണയത്തിലിരിക്കുന്ന ഉരുപ്പടികൾ നഷ്ടപ്പെടാതെ നോക്കണം, വിവാഹക്കാര്യത്തിൽ അന്യരുടെ ഇടപെടൽ മൂലം അസ്വസ്ഥതകൾ.

കേട്ട: സാമ്പത്തിക പ്രതിസന്ധി ഉണ്ടാകും. പിരിമുറുക്കം കൂടാൻ സാധ്യത. അയൽക്കാരുമായി തർക്കങ്ങൾ ഒഴിവാക്കുക. തീരുമാനങ്ങളിൽ കർക്കശ നിലപാടെടുക്കും, വർദ്ധിച്ച ധനചിലവ്. സ്ത്രീകൾ കാരണം മാനഹാനി, ബന്ധുക്കൾ ശത്രുക്കൾ ആകും, കുടുംബ ബന്ധങ്ങളിൽ അസ്വാരസ്യം ഉടലെടുക്കും.

മൂലം: വിവാഹതടസ്സം, പൊതുപ്രവർത്തകർക്ക് എതിർപ്പുകൾ, ആരോഗ്യം മോശമാകാനിടയുണ്ട്. അനാവശ്യ വിവാദങ്ങളിൽ ഇടപെടും, എല്ലാ കാര്യത്തിലും ജാഗ്രത വേണം, അനിശ്ചിതത്വം, സന്താനദുഃഖം, വിരഹം. ലഹരിയുടെ ഉപയോഗം മൂലം തൊഴിലിൽപ്രശ്നങ്ങൾ, അനാവശ്യമായ കലഹങ്ങൾ. ശാന്തമായി ഇരിക്കുക.

പൂരാടം: കാര്യപരാജയം, സന്താനക്ലേശം, നഷ്ടബോധം ഇവ ഉണ്ടാകാം. സാമ്പത്തിക പ്രതിസന്ധി ഉണ്ടാകാം. കടം മേടിച്ച് കാര്യങ്ങൾ നടത്തേണ്ട അവസ്ഥ ഉണ്ടാകാനിടയുണ്ട്. ധനം സമ്പാദിക്കാൻ നന്നേ ബുദ്ധിമുട്ടും, കർമ്മരംഗത്ത് പ്രയാസങ്ങൾ. കുടുംബവുമായി അകൽച്ച, ബന്ധുക്കൾക്ക് രോഗാരിഷ്ടത, അനാവശ്യമായി പണം ചെലവാകും.

ഉത്രാടം: അനാവശ്യ വാക്കുതർക്കങ്ങളിൽ നിന്ന് ഒഴിഞ്ഞു നിൽക്കണം. കടം വാങ്ങിക്കുകയോ കൊടുക്കുകയോ ചെയ്യുന്നത് വളരെ ശ്രദ്ധിക്കണം. സ്ത്രീകൾ അപവാദം പറഞ്ഞു പരത്തും, ഭക്ഷണ കാര്യങ്ങളിൽ മിതത്വം പാലിക്കാത്തതിനാൽ ഉദരരോഗം, മനസ്സിൽ ഉദ്ദേശിച്ച സംഗതികൾ നടപ്പിലാക്കാൻ പ്രയാസപ്പെടും. വിഷയാസക്തി, വ്യവഹാരങ്ങളിൽ പ്രയാസങ്ങൾ ഉണ്ടാകും,

തിരുവോണം: വിദേശത്ത് പോകാൻ ശ്രമിക്കുന്നവർക്ക് കാര്യങ്ങൾ അനുകൂലമാകും. വിദ്യാർത്ഥികൾ പഠന കാര്യത്തിൽ അശ്രദ്ധ കാണിക്കരുത്. കരാറുകളിലൂടെ ധനപ്രാപ്തി, ആരോപണങ്ങൾ അടിസ്ഥാന രഹിതമായിരുന്നു എന്ന് എല്ലാവരും മനസിലാക്കും. ദാമ്പത്യ സുഖം, ഇഷ്ടഭക്ഷണ ലബ്ദി, വിനോദയാത്രയ്ക്ക് യോഗം.

അവിട്ടം: ബന്ധുജന സന്ദർശനം നടത്തും. വാഹനലാഭത്തിന് യോഗം കാണുന്നു. വീട്ടിൽ ചില അറ്റകുറ്റ പണികൾ നടത്തിയേക്കാം. അവിചാരിതമായി ഒരു സുഹൃത്തിനെ കാണാനിടയുണ്ട്. പിതാവിൽനിന്നും അനുകൂല നിലപാട്, മനസ്സുഖം അനുഭവത്തിൽ വരും. ജോലിഭാരം കുറയും, മറ്റുള്ളവരുടെ സഹായത്താൽ കാര്യങ്ങൾ അനുകൂലമാക്കും.

ചതയം: അവിചാരിതമായി യാത്രകൾ വേണ്ടി വരും. വിദേശജോലിക്കു സാദ്ധ്യത. പ്രവർത്തനമേഖലയിൽ വിജയം ഉണ്ടാകും. സന്താനങ്ങൾ മുഖേന സന്തോഷം. മനസ്സിൽ ഉദേശിച്ച സംഗതികൾ നടപ്പിലാക്കാൻ സാധിക്കും, ഭാര്യയും ഒത്തു ഉല്ലാസ യാത്ര പോകും. ദാനകർമ്മങ്ങൾ നടത്തും, ഇന്റർവ്യുവിൽ ജയം.

പൂരുരുട്ടാതി: ആരോഗ്യ പ്രശ്നങ്ങൾക്ക് പരിഹാരം ഉണ്ടാകും. സുഹൃത് സഹായം ഉണ്ടാകും. മനഃസന്തോഷം നൽകുന്ന കാര്യങ്ങൾ ഉണ്ടാകും. ഉദ്യോഗ തലത്തിൽ ശോഭിക്കും, വിദ്യാപരമായി നല്ല ഉയർച്ച ഉണ്ടാകും. വിവാഹകാര്യങ്ങളിൽ തീരുമാനം, മനോഹരമായ വസ്തുക്കൾ സമ്മാനമായി ലഭിക്കും, വിവിധ മേഖലകളിൽ നിന്നും പണം വരും.

ഉത്രട്ടാതി: വിവാഹാലോചനകളിൽ തീരുമാനമുണ്ടാകും. ബിസിനസ്സിൽ നേട്ടങ്ങൾ കൈവരിക്കും.
സാമ്പത്തീക കാര്യങ്ങളിൽ മേൻമ,തർക്കങ്ങൾ പരിഹരിക്കും, ഉന്നത ഉദ്യോഗസ്ഥരുടെ പ്രീതി നേടും, വിഷമതകൾ മാറിക്കിട്ടും.കലാപരമായ കാര്യങ്ങളിൽ വിജയം നല്ല ദിനമായിരിക്കും, നന്മയും, സത്യസന്ധതയും, ഉണ്ടായിരിക്കും.
.
രേവതി: ആലോചിക്കാതെ എടുത്ത് ചാടി തീരുമാനങ്ങൾ കൈക്കൊള്ളാതിരിക്കുക. കർമ്മ സ്ഥലത്ത് ശ്രദ്ധാപൂർവ്വം കാര്യങ്ങൾ ചെയ്യുക. ആപത്തുകളിൽ നിന്നും അത്ഭുതകരമായി രക്ഷപെടും, യാത്ര ചെയ്യാൻ യോഗം, മാതാവിന്റെ പക്കൽ നിന്നും സഹായങ്ങൾ ലഭിക്കും, അകന്നു നിന്ന കല്യാണാലോചനകൾ വീണ്ടും സജീവമാകും.