റായ്പൂർ: ഛത്തീസ്ഗഢിലെ ബസ്തറിലുണ്ടായ ഏറ്റുമുട്ടലിൽ സുരക്ഷാസേന അഞ്ച് മാവോയിസ്റ്റുകളെ വധിച്ചു. രണ്ട് ജവാന്മാർക്ക് പരിക്കേറ്റു. ഇന്നലെ രാവിലെ

നാരായൺപൂർ -കാൺകർ ജില്ലകളുടെ അതിർത്തിയിലെ അബുജ്‌മദ് വനമേഖലയിലാണ് ഏറ്റുമുട്ടലുണ്ടായത്. 20ഓളം മാവോയിസ്റ്റുകളുടെ സാന്നിദ്ധ്യത്തെക്കുറിച്ച് ലഭിച്ച വിവരത്തെത്തുടർന്ന് ബി.എസ്.എഫ് ഡി.ആർ.ജി,​ എസ്.ടി.എഫ് സംഘാംഗങ്ങൾ നടത്തിയ ഓപ്പറേഷനിടെ വെടിവയ്പുണ്ടാകുകയും സേന തിരിച്ചടിക്കുകയുമായിരുന്നു. അഞ്ച് മണിക്കൂറോളം വെടിവയ്‌പ് തുടർന്നു. നിരവധി ആയുധങ്ങളും പിടിച്ചെടുത്തിട്ടുണ്ട്. സ്ഥലത്ത് തെരച്ചിൽ തുടരുകയാണ്. പരിക്കേറ്റ രണ്ട് ജവാന്മാരെ ഹെലികോപ്ടറിൽ റായ്പൂരിലെത്തിച്ചു. അപകടനില തരണം ചെയ്തതായി അധികൃതർ അറിയിച്ചു. ഇന്നലെയുണ്ടായ ഏറ്റുമുട്ടലിൽ ഉൾപ്പെടെ ഈ വർഷം മാത്രം ബസ്തർ മേഖലയിൽ 197 മാവോയിസ്റ്റുകളെയാണ് വധിച്ചത്.