ചങ്ങനാശേരി: സേക്രഡ് ഹാർട്ട് സ്‌കൂളിലെ പുതുതായി നിർമിച്ച മാർ ജോസഫ് പൗവത്തിൽ സ്മാരക ഇൻഡോർ സ്​റ്റേഡിയത്തിൽ നടന്ന എസ്സെച്ച് ട്രോഫി ഓൾ കേരള ഇന്റർ സ്‌കൂൾ ബാസ്‌ക്ക​റ്റ്‌ബാൾ ടൂർണമെന്റിൽ പെൺകുട്ടികളുടെ വിഭാഗത്തിൽ സെന്റ് തെരേസസ് എച്ച്.എസ്.എസ് എറണാകുളവും ആൺകുട്ടികളിൽ ഓക്സ്‌ഫോർഡ് സ്‌കൂൾ കരവാളൂരും ചാമ്പ്യന്മാരായി. പെൺകുട്ടികളുടെ വിഭാഗം ഫൈനലിൽ
സെന്റ് തെരേസസ് 38 - 29ന് സേക്രഡ് ഹാർട്ട് എച്ച്എസ്എസ് തേവരയെ പരാജയപ്പെടുത്തിയാണ് കിരീടം നേടിയത്.ആൺകുട്ടികളിൽ ഓക്സ്‌ഫോർഡ് സ്‌കൂൾ 72-16ന് എ കെ എം പബ്ലിക് സ്‌കൂൾ ചങ്ങനാശേരിയെ (72 16 ) പരാജയപ്പെടുത്തി ജേതാക്കളായി.

മുൻ ഇന്റർനാഷണൽ റഫറിയും കേരള റഫറി കമ്മീഷൻ ചെയർമാനുമായ ഫിലിഫ്സ് വടക്കെക്കളം ട്രോഫികളും മെഡലുകളും സമ്മാനിച്ചു.

ആൺകുട്ടികളുടെ ഫൈനലിൽ ഓക്സ്‌ഫോർഡ് സ്‌കൂൾ കരവാളൂരും എ കെ എം പബ്ലിക് സ്‌കൂൾ ചങ്ങനാശേരിയും തമ്മിൽ ഏറ്റുമുട്ടുന്നു