മാറിവരുന്ന കാലാവസ്ഥയും ശാരീരിക പ്രശ്‌നങ്ങളും കാരണം പലരും അനുഭവിക്കുന്ന പ്രശ്‌നമാണ് അകാലനര. ഇത് മാറ്റാൻ ഭൂരിഭാഗവും കെമിക്കൽ ഡൈയെ ആണ് ആശ്രയിക്കുന്നത്. എന്നാൽ, ദീർഘനാൾ ഇവ ഉപയോഗിച്ചാൽ പല തരത്തിലുള്ള പാർശ്വഫലങ്ങൾ ഉണ്ടാകാൻ സാദ്ധ്യതയുണ്ട്. നര മാറാൻ വീട്ടിൽ തന്നെ തയ്യാറാക്കാൻ കഴിയുന്ന ഒരു ഡൈ പരിചയപ്പെടാം. ഇത് തയ്യാറാക്കാൻ വെറും ഒരു മിനിട്ട് മതി. ഒരു കാര്യം കൂടെ ശ്രദ്ധിക്കുക, ഡൈ മാത്രമല്ല, നിങ്ങൾ ഭക്ഷണത്തിൽ നെല്ലിക്ക, മുരിങ്ങയില, കറിവേപ്പില എന്നിവ ഉൾപ്പെടുത്തുന്നതും നല്ലതാണ്. ഇത് വളരെ പെട്ടെന്ന് തന്നെ നര മാറ്റാൻ സഹായിക്കും.

ആവശ്യമായ സാധനങ്ങൾ

നെല്ലിക്കപ്പൊടി - 2 ടേബിൾസ്‌പൂൺ

ബൃംഗരാജ് പൊടി - 2 ടേബിൾസ്‌പൂൺ

മഞ്ഞൾപ്പൊടി - 2 ടേബിൾസ്‌പൂൺ

കറ്റാർവാഴ ജെൽ - ആവശ്യത്തിന്

തയ്യാറാക്കുന്ന വിധം

ഇരുമ്പ് ചീനച്ചട്ടിയിൽ നെല്ലിക്കപ്പൊടി, ബൃംഗരാജ് പൊടി, മഞ്ഞൾപ്പൊടി എന്നിവ ചേർത്ത് നന്നായി യോജിപ്പിച്ച് ചൂടാക്കുക. കറുത്ത നിറമാകുമ്പോൾ തണുക്കാനായി മാറ്റവയ്‌ക്കുക. ശേഷം ഇതിലേക്ക് ആവശ്യത്തിന് കറ്റാർവാഴ ജെൽ ചേർത്ത് ഡൈ രൂപത്തിലാക്കുക.

ഉപയോഗിക്കേണ്ട വിധം

എണ്ണമയം ഒട്ടുമില്ലാതെ നന്നായി കഴുകി വൃത്തിയാക്കിയ മുടിയിലേക്ക് നേരത്തേ തയ്യാറാക്കി വച്ച ‌ഡൈ പുരട്ടിക്കൊടുക്കുക. ഒരു മണിക്കൂറിന് ശേഷം കഴുകി കളയാവുന്നതാണ്. ആഴ്‌ചയിൽ രണ്ട് തവണ ഉപയോഗിക്കണം. ക്രമേണ മാസത്തിൽ ഒരിക്കൽ ഉപയോഗിച്ചാൽ മതിയാകും. ഒറ്റ ഉപയോഗത്തിൽ തന്നെ ഫലം കാണാം.