
എ.ആർ. റഹ്മാനും ഭാര്യ സൈറ ബാനുവും വേർപിരിയുന്നതായി പ്രഖ്യാപിച്ചു മണിക്കൂറുകൾക്കുശേഷം എ.ആർ. റഹ്മാന്റെ ട്രൂപ്പിലെ ബാസിസ്റ്റ് മോഹിനി ഡേയും ഭർത്താവിൽനിന്ന് വേർപിരിയുന്നതായി പ്രഖ്യാപിച്ചു.
സംയുക്ത ഇൻസ്റ്റഗ്രാം പോസ്റ്റിൽ മോഹിനിയും സംഗീത സംവിധായകനായ ഭർത്താവ് മാർക് ഹാർട്ട്സുച്ചും ബന്ധം അവസാനിപ്പിക്കുന്നതായി പ്രഖ്യാപിച്ചു. ഞാനും മാർക്കും വേർപിരിഞ്ഞത് ഹൃദയഭാരത്തോടെ അറിയിക്കുന്നു. ആദ്യം ഞങ്ങളുടെ സുഹൃത്തുക്കളോടും കുടുംബാംഗങ്ങളോടും ഉള്ള പ്രതിബദ്ധത അറിയിക്കാൻ ഇത് ഞങ്ങൾ തമ്മിലുള്ള പരസ്പര ധാരണയിലുള്ള വേർപിരിയലാണ് എന്ന് അറിയിക്കുന്നു. ഞങ്ങൾ നല്ല സുഹൃത്തുക്കളായി തുടരും.
ജീവിതത്തിൽ വ്യത്യസ്തമായ കാര്യങ്ങൾ വേണമെന്നും പരസ്പര ഉടമ്പടിയിലൂടെയുള്ള വേർപിരിയലാണ് മുന്നോട്ടുപോകാനുള്ള ഏറ്റവും നല്ല മാർഗമെന്നും ഞങ്ങൾ ഇരുവരും തീരുമാനിച്ചു.മോഹിനി ഡേ കുറിച്ചു. 29 കാരിയായ മോഹിനി കൊൽക്കത്തയിൽ നിന്നുള്ള ബാസ് പ്ളെയറാണ്. 40 ലധികം വിദേശ ഷോകളിൽ റഹ്മാനൊപ്പം ഭാഗമായിട്ടുണ്ട്.