തിരുവനന്തപുരം: ബൈക്ക് അപകടത്തിൽ പൊലീസ് ഉദ്യോഗസ്ഥൻ ദാരുണാന്ത്യം. കാഞ്ഞിരംകുളം സ്വാദേശിയായ ശ്രീജിത്താണ് മരിച്ചത്. ജോലി കഴിഞ്ഞ് മടങ്ങുന്നതിനിടെ ശ്രീജിത്തിന്റെ ബൈക്ക് അയ്യപ്പന്മാർ സഞ്ചരിച്ച കാറുമായി കൂട്ടിയിടിച്ചായിരുന്നു അപകടം. ഇന്ന് പുലർച്ചെ നാല് മണിയോടെയായിരുന്നു സംഭവം. തിരുവല്ലം പൊലീസ് സ്റ്റേഷനിലെ സിപിഒ ആണ് മരിച്ച ശ്രീജിത്ത്.

മൃതദേഹം ആശുപത്രിയിൽ സൂക്ഷിച്ചിരിക്കുകയാണ്. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും. 2012 ലാണ് ശ്രീജിത്ത് സർവീസിൽ കയറിയത്.