തിരുവനന്തപുരം: ചേലക്കരയിൽ കഴിഞ്ഞ തവണ ലഭിച്ചതിനെക്കാൾ 22,000 വോട്ട് കുറഞ്ഞിട്ടും സംസ്ഥാനത്ത് ഭരണവിരുദ്ധ വികാരമില്ലെന്ന സി.പി.എം വാദം അപഹാസ്യമെന്ന് കെ.പി.സി.സി ജനറൽ സെക്രട്ടറി അഡ്വ.ജി.സുബോധൻ.വയനാട്ടിൽ പോളിംഗിൽ വൻ കുറവുണ്ടായിട്ടും പ്രിയങ്കയ്ക്ക് രാഹുൽ ഗാന്ധിയെക്കാൾ ഭൂരിപക്ഷം ലഭിച്ചതും,പാലക്കാട് ചരിത്ര ഭൂരിപക്ഷത്തിൽ വിജയിക്കാനായതും കേരളം യു.ഡി.എഫിനൊപ്പമെന്ന് തെളിയിക്കുന്നു. വയനാട്ടിൽ സി.പി.എമ്മിന്റെ ചതി ഉൾക്കൊള്ളാൻ സി.പി.ഐ ഇനിയെങ്കിലും തയ്യാറാകുമോയെന്നും അദ്ദേഹം ചോദിച്ചു.