ബറേലി: നിർമാണത്തിലിരിക്കുന്ന പാലത്തിൽ നിന്ന് താഴേയ്ക്ക് കാർ പതിച്ച് മൂന്ന് യുവാക്കൾക്ക് ദാരുണാന്ത്യം. ഉത്തർപ്രദേശിലെ ബറേലി ജില്ലയിൽ രാംഗംഗ നദിയ്ക്ക് കുറുകെ നിർമ്മാണത്തിലിരിക്കുന്ന പാലത്തിൽ നിന്നാണ് കാർ താഴേയ്ക്ക് വീണത്. കാറിൽ ഉണ്ടായിരുന്ന അമിത് കുമാർ, സഹോദരൻ വിവേക് കുമാർ, സുഹൃത്ത് കൗശൽ എന്നിവർ സംഭവ സ്ഥലത്ത് വച്ച് തന്നെ മരിച്ചു. വിവാഹച്ചടങ്ങിന് പോകുന്നതിനിടെയാണ് അപകടം നടന്നത്. പാലത്തിന്റെ ഒരു വശത്ത് അപ്രോച്ച് റോഡ് നിർമ്മിച്ചിട്ടില്ല.

50 അടിയോളം താഴ്ചയിലേക്കാണ് കാർ വീണത്. ഫരീദ്‌പൂർ പൊലീസ് സ്റ്റേഷൻ പരിധിയിലാണ് അപകടം ഉണ്ടായത്. ഫറൂഖാബാദിൽ നിന്നുള്ള മൂന്ന് യുവാക്കൾ ശനിയാഴ്ച രാത്രി ബദൗണിലെ ഡാറ്റാദഞ്ചിൽ നിന്ന് ഫരീദ്പൂരിലേക്ക് കാറിൽ പോകുകയായിരുന്നു. ഗൂഗിൾ മാപ്പിൽ വഴി നോക്കിയായിരുന്നു യുവാക്കൾ യാത്ര ചെയ്തതെന്ന് കുടുംബം പറയുന്നു. പണി തീരാത്ത പാലം അടച്ചിട്ടിരുന്നെങ്കിൽ ഈ അപകടം സംഭവിക്കുമായിരുന്നില്ലെന്നും കുടുംബം വ്യക്തമാക്കി. ശനിയാഴ്ച രാത്രി നടന്ന അപകടം ഞായറാഴ്ച രാവിലെയാണ് നാട്ടുകാർ അറിഞ്ഞത്.

कौशल, विवेक और अमित एक शादी में गए. शादी से वापसी में 'गूगल मैप' लगा लिया.

'गूगल मैप' ने आधे बने पुल का रास्ता दिखाया. गाड़ी रफ़्तार से आगे बढ़ी और नीचे गिर गई.

तीनों की मौत हो गई.

📍बरेली, यूपी pic.twitter.com/sfK8cM7mcM

— Ranvijay Singh (@ranvijaylive) November 24, 2024