മലയാളികളുടെ പ്രിയപ്പെട്ട ഭക്ഷണമാണ് ഇഡ്ഡലി. ആഘോഷ ദിവസങ്ങളിൽ പ്രഭാത ഭക്ഷണമായിട്ടൊക്കെ പല വീടുകളിലും ഇഡ്ഡലിയാണ് ഉണ്ടാക്കാറ്. ആവിയിൽ വേവിച്ചിട്ടുണ്ടാക്കുന്നതിനാൽ ആരോഗ്യപ്രദവുമാണിത്. എത്ര ശ്രമിച്ചിട്ടും ഇഡ്ഡലിക്ക് സോഫ്റ്റ്‌നെസ് കിട്ടുന്നില്ലെന്ന് പരാതി പറയുന്ന കുറച്ചുപേരെങ്കിലും ഉണ്ടാകും. വളരെയെളുപ്പത്തിൽ തന്നെ നല്ല പൂപോലുള്ള ഇഡ്ഡലി തയ്യാറാക്കാൻ സാധിക്കും.

ആവശ്യമായ സാധനങ്ങൾ

പച്ചരി അല്ലെങ്കിൽ ഇഡ്ഡലി റൈസ്

ഉലുവ

ഉഴുന്ന്

ചൗവ്വരി
തയ്യാറാക്കുന്ന വിധം

രണ്ട് കപ്പ് പച്ചരിയെടുക്കുക. മുക്കാൽ കപ്പ് ഉഴുന്ന്, ഒരു സ്പൂൺ ഉലുവ, അരക്കപ്പ് ചൗവ്വരി എന്നിവ ചേർത്ത് നന്നായി കഴുകുക. ശേഷം ഇവ അഞ്ച് മണിക്കൂർ കുതിർത്തുവയ്ക്കുക. അരയ്ക്കുന്നതിന് കുറച്ച് മുമ്പ് ഫ്രിഡ്ജിൽ വയ്ക്കുക. ഇനി നന്നായി അരച്ചെടുക്കുക. അരി കുതിർത്തുവച്ച വെള്ളത്തിൽ വേണം അരയ്ക്കാൻ. ആവശ്യത്തിന് ഉപ്പും ചേർത്ത് കൈകൊണ്ട് നന്നായി യോജിപ്പിച്ച ശേഷം അടച്ചുവയ്ക്കുക. എട്ട് മണിക്കൂറിന് ശേഷം ഇഡ്ഡലി ചുട്ടെടുക്കാം.