ന്യൂയോർക്ക്: 'എ വുമൺ ഒഫ് സബ്സ്‌റ്റൻസ്" എന്ന ആദ്യ നോവലിലൂടെ ശ്രദ്ധനേടിയ ബ്രിട്ടീഷ്-അമേരിക്കൻ എഴുത്തുകാരി ബാർബറ ടെയ്‌‌ലർ ബ്രാഡ്‌‌ഫോർ‌ഡ് (91) അന്തരിച്ചു. ഞായറാഴ്‌ച ന്യൂയോർക്ക് സിറ്റിയിലെ മാൻഹട്ടനിലെ വസതിയിലായിരുന്നു അന്ത്യം. ബാർബറ എഴുതിയ 40 നോവലുകളും ഇംഗ്ലണ്ടിലും യു.എസിലും ബെസ്റ്റ്‌സെല്ലറുകളായിരുന്നു. കഴിഞ്ഞ വർഷം പുറത്തിറങ്ങിയ ' ദ വണ്ടർ ഒഫ് ഇറ്റ് ഓൾ" ആണ് അവസാന നോവൽ.

1933 മേയിൽ വടക്കൻ ഇംഗ്ലണ്ടിലെ ലീഡ്സിൽ ജനിച്ച ബാർബറ ഒരു പ്രാദേശിക ദിനപ്പത്രത്തിൽ ടൈപ്പിസ്‌റ്റായാണ് ഔദ്യോഗിക ജീവിതം തുടങ്ങിയത്. പിന്നീട് റിപ്പോർട്ടറായി. 1979ൽ എ വുമൺ ഒഫ് സബ്സ്റ്റൻസ് പ്രസിദ്ധീകരിച്ചു. നോവൽ പിന്നീട് ടെലിവിഷൻ സീരീസുകൾക്ക് ഇതിവൃത്തമായി. 1963ൽ ചലച്ചിത്ര നിർമ്മാതാവായ റോബർട്ട് ബ്രാഡ്ഫോർഡിനെ വിവാഹം ചെയ്‌തതോടെ ബാർബറ യു.എസിൽ സ്ഥിരതാമസമാക്കി. റോബർട്ട് 2019ൽ അന്തരിച്ചു.