• തുലാവർഷത്തിൽ മഴ കുറഞ്ഞാൽ കുടിവെള്ളക്ഷാമം രൂക്ഷമാകും

മലപ്പുറം: മതുലാവർഷത്തിലെ മഴക്കുറവ് വേനലെത്തും മുമ്പേ തന്നെ കുടിവെള്ള ക്ഷാമത്തിന് വഴിവച്ചേയ്ക്കുമെന്ന ആശങ്കയുണ്ട്. കേന്ദ്ര കാലാവസ്ഥ നിരീക്ഷണ വകുപ്പിന്റെ ഒക്ടോബർ ഒന്ന് മുതൽ നവംബർ മൂന്ന് വരെയുള്ള കണക്ക് പ്രകാരം 330.5 മില്ലീമീറ്റർ മഴ പ്രതീക്ഷിച്ചപ്പോൾ പെയ്തത് 236.8 മില്ലീ മീറ്റർ. മഴയിൽ 28 ശതമാനത്തിന്റെ കുറവുണ്ട്. ഇക്കാലയളവിൽ തിരുവനന്തപുരത്ത് മാത്രമാണ് അധിക മഴ ലഭിച്ചത്. കണ്ണൂർ, ഇടുക്കി, കോഴിക്കോട്, പാലക്കാട്, വയനാട് ജില്ലകളിൽ നോർമൽ മഴ ലഭിച്ചിട്ടുണ്ട്. മലപ്പുറത്തിന് ഒപ്പം ആലപ്പുഴ, എറണാകുളം, കാസർകോട്, കൊല്ലം, കോട്ടയം, പത്തനംതിട്ട ജില്ലകളിലാണ് മഴക്കുറവ് രേഖപ്പെടുത്തിയിട്ടുള്ളത്. കാലവർഷത്തിൽ പത്ത് ശതമാനത്തിന്റെ മഴക്കുറവാണ് ജില്ലയിൽ രേഖപ്പെടുത്തിയത്.

കനിയുമോ തുലാവർഷം

• അടുത്ത അഞ്ച് ദിവസത്തേക്ക് ജില്ലയിൽ ഇടിമിന്നലോട് കൂടിയ മഴ തുടർന്നേക്കുമെന്ന് കാലാവസ്ഥ നിരീക്ഷണ വകുപ്പിന്റെ മുന്നറിയിപ്പ്.
• തെക്ക് കിഴക്കൻ അറബിക്കടലിന് മുകളിലെ ചക്രവാത ചുഴിക്ക് പുറമെ ചൊവ്വാഴ്ചയോടെ തെക്ക് കിഴക്കൻ ബംഗാൾ ഉൾക്കടലിൽ മറ്റൊരു ചക്രവാതച്ചുഴി രൂപപ്പെടാനുള്ള സാദ്ധ്യതയുണ്ട്.
• ജില്ലയിൽ ശക്തമായ മഴ സംബന്ധിച്ച മുന്നറിയിപ്പുകൾ പുറപ്പെടുവിപ്പിച്ചിട്ടില്ല. ഇന്നലെ പാലക്കാടും കോഴിക്കോടും ഉൾപ്പെടെ എട്ട് ജില്ലകളിൽ യെല്ലോ അലേർട്ട് പ്രഖ്യാപിച്ചിരുന്നു
• ജില്ലയിൽ മുന്നറിയിപ്പൊന്നും ഉണ്ടായിരുന്നില്ലെങ്കിലും വ്യാപകമായി മഴയും ഒറ്റപ്പെട്ടയിടങ്ങളിൽ ശക്തമായ മഴയും ലഭിച്ചിട്ടുണ്ട്.
• കേന്ദ്ര കാലാവസ്ഥ നിരീക്ഷണ വകുപ്പിന്റെ മഴമാപിനികളിൾ പൊന്നാനിയിലാണ് കൂടൂതൽ മഴ രേഖപ്പെടുത്തിയത്.

മഴ മാപിനി ............. ലഭിച്ച മഴ (മില്ലീമീറ്റർ)​

പൊന്നാനി ............. 45

മഞ്ചേരി ................... 23

അങ്ങാടിപ്പുറം.......... 22.8

കരിപ്പൂർ ................... 29.6