എടപ്പാൾ: ലോക പ്രമേഹദിനാചരണത്തിന്റെ ഭാഗമായി വട്ടംകുളം കുടുംബാരോഗ്യ കേന്ദ്രത്തിന്റെ നേതൃത്വത്തിൽ ' വ്യായാമം ശീലമാക്കൂ ആരോഗ്യം നിലനിർത്തൂ ' എന്ന സന്ദേശം പ്രചരിപ്പിക്കുന്നതിന്റെ ഭാഗമായി ആരോഗ്യ സന്ദേശ കൂട്ടയോട്ടം സംഘടിപ്പിച്ചു. വട്ടംകുളം ഗ്രാമപഞ്ചായത്ത് പ്രസിഡന്റ് എം.എ നജീബ് ഉദ്ഘാടനം ചെയ്തു. വികസന സ്റ്റാൻഡിംഗ് കമ്മിറ്റി ചെയർമാൻ ഹസൈനാർ നെല്ലിശ്ശേരി അദ്ധ്യക്ഷത വഹിച്ചു. പഞ്ചായത്തംഗങ്ങളായ അക്ബർ പനച്ചിക്കൽ, പി.വി.ഉണ്ണികൃഷ്ണൻ, എം.എൻ.പത്മ, മെഡിക്കൽ ഓഫീസർ ഡോ.എം.എച്ച്.മുഹമ്മദ് ഫസൽ, ഹെൽത്ത് ഇൻസ്‌പെക്ടർ സി.സജീവ് കുമാർ എന്നിവർ പ്രസംഗിച്ചു.