എടപ്പാൾ: മലയാളികൾ മാതൃഭാഷയെ മറക്കുമ്പോൾ മലയാളഭാഷയുടെ വളർച്ചയ്ക്കും വികാസത്തിനുമായി പുതിയ ഗവേഷണങ്ങൾ തുടങ്ങേണ്ടതുണ്ടെന്നു ഡോ : ചാത്തനാത്ത് അച്യുതനുണ്ണി പറഞ്ഞു. സംസ്ഥാന സർക്കാരിന്റെ കൈരളി അവാർഡും ബാലമണിയമ്മ പുരസ്‌ക്കാരവും നേടിയ ചാത്തനാത്തിനെ ആദരിക്കാൻ സംസ്‌കാരസാഹിതി പൊന്നാനി നിയോജകമണ്ഡലം കമ്മിറ്റി സംഘടിപ്പിച്ച ചടങ്ങിൽ സംസാരിക്കുകയായിരുന്നു അദ്ദേഹം. സംസ്ഥാന വൈസ് പ്രസിഡന്റ് സമദ് മങ്കട ഉദ്ഘാടനം ചെയ്തു. നിയോജകമണ്ഡലം ചെയർമാൻ
ടി.പി.ശബരീഷ് കുമാർ അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി പ്രണവം പ്രസാദ് മുഖ്യ പ്രഭാഷണം നടത്തി.അടാട്ട് വാസുദേവൻ, എസ്. സുധീർ, രമേഷ് അമ്പാരത്ത്,ദിലീപ് അമ്പാടി, ഷാജി കാട്ടുപാറ തുടങ്ങിയവർ പ്രസംഗിച്ചു.