പത്തനംതിട്ട: എക്സൈസ് ജില്ലാ കലാ കായിക മേള ജോയിന്റ് എക്സൈസ് കമ്മിഷണർ (വിമുക്തി )വി. എ പ്രദീപ് ഉദ്ഘാടനം ചെയ്തു. ജില്ലാ സ്‌പോർട്സ് കൗൺസിൽ പ്രസിഡന്റ് കെ.അനിൽകുമാർ കായിക സന്ദേശം നൽകി. ഫോക്ക്‌ലോർ അക്കാദമി അംഗം അഡ്വ.സുരേഷ് സോമ കലാമേള ഉദ്ഘാടനം ചെയ്തു. എക്സൈസ് ഡെപ്യൂട്ടി കമ്മിഷണർ വി. റോബർട്ട്, എക്സൈസ് ഓഫീസേഴ്സ് അസോസിയേഷൻ സെക്രട്ടറി ഗോപാലകൃഷ്ണൻ ആശാരി, എക്സൈസ് അസോസിയേഷൻ ജില്ലാ സെക്രട്ടറി അയ്യൂബ്ഖാൻ, പ്രസിഡന്റ് പി.പ്രദീപ്, സ്റ്റാഫ് അസോസിയേഷൻ സംസ്ഥാന കൗൺസിലർമാരായ ഷാബു തോമസ്, എസ്. അജി, എൻ പ്രവീൺ, സ്‌പോർട്സ് ഓഫീസർ എസ്. ഷാജി എസ്, ആർട്സ് ഓഫീസർ രാജേന്ദ്രൻ, വിമുക്തി മിഷൻ ജില്ലാ കോർഡിനേറ്റർ അഡ്വ. ജോസ് കളീക്കൽ, ബി.സുഭാഷ് കുമാർ എന്നിവർ സംസാരിച്ചു. കാതോലിക്കേറ്റ് കോളേജ് ബർസാർ പ്രൊഫ.ബിനോയ് ടി. തോമസ് സമ്മാനദാനം നിർവഹിച്ചു. നവംബർ മുപ്പത് മുതൽ ഡിസംബർ മൂന്ന് വരെ നടക്കുന്ന സംസ്ഥാന മേളയിൽ ജില്ലാ ടീം പങ്കെടുക്കും.