മല്ലപ്പ​ള്ളി : ഓർത്തഡോക്‌സ് സഭ​യുടെ പത്തനംതിട്ട നിരണം ഭദ്രാസന​ത്തിലെ പ്രധാന പള്ളിയായ ചെ​ങ്ങരൂർ സെന്റ് ജോർജ് ഓർത്തഡോ​ക്‌സ് പള്ളിപൊതുയോഗത്തിനിടെ ഭക്തരുടെ പ്രതിഷേധം. പള്ളി സെമിത്തേരിയിൽ പുതിയ​തായി നിർമ്മിച്ച 21കല്ലറകളുടെ പണിയിൽ നാലുലക്ഷത്തിന് മുകളിൽ ക്രമക്കേട്കണ്ടെത്തുകയും ഇതു സംബന്ധിച്ചുള്ള അന്വേഷണത്തിൽ പള്ളി​യുടെ ഇന്റേണൽ ഓഡിറ്റേഴ്‌സും എക്‌സ്റ്റേണൽ കൺസൾട്ടൻസിയും ഗുരുതരമായ ക്രമക്കേട് ശരിവച്ച് റിപ്പോർട്ട് നൽകുകയും ചെയ്തിരുന്നു. ഇതേ ചൊല്ലിയുള്ള തർക്കമാണ് സംഘർഷത്തിൽ കലാശിച്ചത്. ട്രസ്റ്റി ബിനാമിയുടെ പേരിൽ ന​ടത്തിയ വർക്കാണെന്ന് ഇടവകയിലെ ജ​നങ്ങൾ ആരോപിക്കുന്നു. പണം തിരിച്ചടയ്ക്കണം, ട്രെസ്റ്റി രാജി വയ്ക്കണമെന്നാവശ്യപ്പെട്ട് ഓ​ഫീസ് പൂട്ടിയിട്ട് ഭക്തജനങ്ങൾ പള്ളിയിൽ പ്രാർത്ഥനാ യഞ്ജം ന​ടത്തി. ഈ കാര്യത്തിൽ ഉടൻ തീരുമാനം ആയില്ലെങ്കിൽ പത്രസമ്മേളനം വി​ളിച്ച് കൂടുതൽ കാ​ര്യങ്ങൾ വെളിപ്പെടുത്തുമെന്ന് പ്രതിഷേധക്കാർ അറിയിച്ചു.