കുമ്പനാട് : ടി.കെ റോഡിൽ കുമ്പനാട് മണി​യാട്ട് ഓഡി​റ്റോറി​യത്തി​ന് സമീപം റോഡ് മുറി​ച്ചുകടന്ന കാട്ടുപന്നി​ക്കൂട്ടത്തി​ലേക്ക് കാർ ഇടി​ച്ചുകയറി​. നാല് കാട്ടുപന്നി​കൾ ചത്തു. വലി​യൊരു പന്നി​ക്ക് പരി​ക്കേറ്റു. തി​ങ്കളാഴ്ച അർദ്ധരാത്രി​യോടെയാണ് സംഭവം. അപകടത്തി​ൽപ്പെട്ട വാഗൺ​ആർ കാറി​ന്റെ മുൻഭാഗവും തകർന്നു. തി​രുവല്ലയി​ൽ നി​ന്ന് കോന്നി​യി​ലേക്ക് പോകുകയായി​രുന്ന യുവാക്കളാണ് കാറി​ൽ ഉണ്ടായി​രുന്നത്. കാറി​ന് തകരാർ സംഭവി​ച്ചെങ്കി​ലും യാത്രക്കാർ പരി​ക്കേൽക്കാതെ രക്ഷപ്പെട്ടു. നി​രനി​രയായി​ ഒാടി​യെത്തി​യ കാട്ടുപന്നി​കൾ വാഹനത്തി​ന് മുന്നി​ൽ പെടുകയായി​രുന്നുവെന്നും പരി​ക്കേൽക്കാത്ത പന്നി​കൾ സമീപത്തെ ഇടവഴി​യി​ലൂടെ ഒാടി​ മറഞ്ഞതായും യുവാക്കൾ പറഞ്ഞു. കാർ യാത്രി​കർ അറി​യി​ച്ചതനുസരി​ച്ച് കോയി​പ്രം പൊലീസ് എത്തി​ പന്നി​കളെ വഴി​യരി​കത്തേക്ക് മാറ്റി​യി​ട്ടു. രാത്രി​യി​ൽ തന്നെ വനപാലകരെ വി​വരം അറി​യി​ച്ചെങ്കി​ലും പഞ്ചായത്തി​ൽ അറി​യി​ക്കാനായി​രുന്നു നി​ർദേശം. പഞ്ചായത്ത് അധി​കൃതരുമായി​ ആലോചി​ച്ച് പരി​ക്കേറ്റ കാട്ടുപന്നി​യെ വെടി​വച്ച് കൊല്ലുമെന്നും ചത്ത പന്നി​കളെ കൂട്ടത്തോടെ സംസ്കരി​ക്കുമെന്നും പൊലീസ് അറി​യി​ച്ചു. വാഹനത്തി​രക്കുള്ള മേഖലയാണെങ്കി​ലും പ്രദേശത്ത് പന്നി​ശല്യം രൂക്ഷമാണ്.