തിരുവല്ല: തിരുവല്ല മെഡിക്കൽ മിഷൻ ആശുപത്രിയുടെയും കവിയൂർ ക്രൈസ്റ്റ് ചർച്ചിന്റെയും ആഞ്ഞിലിത്താനം ശാലേം മാർത്തോമ പള്ളിയുടെയും കവിയൂർ വൈ.എം.സി.എയുടെയും സംയുക്താഭിമുഖ്യത്തിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു. മാത്യു ടി. തോമസ് എം.എൽ.എ ക്യാമ്പ് ഉദ്ഘാടനം ചെയ്തു. കവിയൂർ വൈ.എം.സി.എ പ്രസിഡന്റ് ജേക്കബ് മാത്യു അദ്ധ്യക്ഷത വഹിച്ചു. കവിയൂർ പഞ്ചായത്ത് പ്രസിഡന്റ് എം.ഡി ദിനേശ് കുമാർ, മല്ലപ്പള്ളി ബ്ലോക്ക് മെമ്പർമാരായ റിമി ലിറ്റി, ജോസഫ് ജോൺ, പഞ്ചായത്ത് മെമ്പർമാരായ രാജശ്രീ, അനിത സജി, വൈ.എം.സി.എ സെക്രട്ടറി കെ.സി മാത്യു, ടി.എം.എം. കോർപ്പറേറ്റ് റിലേഷൻസ് മാനേജർ ജിജോ മാത്യു തുടങ്ങിയവർ സംസാരിച്ചു. ഒൻപത് മൾട്ടി സ്പെഷ്യാലിറ്റി വിഭാഗങ്ങളിലായി ടി.എം.എം ആശുപത്രിയിലെ 11 ഡോക്ടർമാരും 50ലധികം സ്റ്റാഫുകളും ക്യാമ്പിൽ സേവനം നൽകി. കവിയൂർ ഗുഡ് ന്യൂസ് ഔട്ട് റീച് പ്രവർത്തകർ ജോൺസൺവിയുടെ നേതൃത്വത്തിൽ ക്യാമ്പ് പ്രവർത്തനങ്ങൾ ഏകോപിപ്പിച്ചു. വിവിധ വിഭാഗങ്ങളായി 350രോഗികളെ പരിശോധിച്ച് സൗജന്യമായി മരുന്നുനൽകി. ആദ്യം രജിസ്റ്റർചെയ്ത് ക്യാമ്പിൽ കണ്ണ് പരിശോധനയ്ക്ക് വിധേയരായ 50പേർക്ക് ഒഴുക്കുനീറ്റിൽ ഒപ്റ്റീക്കൽസ് കണ്ണടകൾ സൗജന്യമായി നൽകും.