തിരുവല്ല : എസ്.എൻ.ഡി.പി.യോഗം തിരുവല്ലാ യൂണിയൻ വനിതാസംഘം സഹോദരൻ അയ്യപ്പൻ മേഖലാ കൺവെൻഷൻ 24ന് വള്ളംകുളം ശാഖാ ഓഡിറ്റോറിയത്തിൽ നടക്കും. രാവിലെ 9ന് രജിസ്‌ട്രേഷൻ, 9.30മുതൽ സംഘടനാ പ്രവർത്തനത്തിൽ വനിതകളുടെ പങ്ക് എന്ന വിഷയത്തിൽ ജെ.സി.ഐ പരിശീലകൻ വി.ശ്യാം കുമാർ ക്ലാസ് നയിക്കും. 11ന് വനിതാസംഘം കേന്ദ്രസമതി സെക്രട്ടറി അഡ്വ.സംഗീതാ വിശ്വനാഥ്‌ സമ്മേളനം ഉദ്ഘാടനം ചെയ്യും. വനിതാസംഘം യൂണിയൻ പ്രസിഡന്റ് സുമ സജികുമാർ അദ്ധ്യക്ഷത വഹിക്കും. യൂണിയൻ പ്രസിഡന്റ് ബിജു ഇരവിപേരൂർ മുഖ്യപ്രഭാഷണവും സെക്രട്ടറി അനിൽ എസ്. ഉഴത്തിൽ ആമുഖപ്രസംഗവും നടത്തും. യോഗം അസി.സെക്രട്ടറി പി.എസ്.വിജയൻ, ഇൻസ്‌പെക്റ്റിംഗ് ഓഫീസർ എസ്.രവീന്ദ്രൻ എന്നിവർ വിശിഷ്ടാതിഥികളാകും. യൂണിയൻ വൈസ് പ്രസിഡന്റ് കെ.ജി ബിജു സംഘടനാ സന്ദേശം നൽകും, വനിതാസംഘം യൂണിയൻ സെക്രട്ടറി മണിയമ്മ സോമശേഖരൻ,​ കുമാരിസംഘം കോർഡിനേറ്റർ ശോഭാ ശശിധരൻ, വനിതാസംഘം വൈസ് പ്രസിഡന്റ് ഇന്ദു വി.ആർ, ജോ.സെക്രട്ടറി ശ്രീവിദ്യ, ട്രഷറർ കവിതാ സുരേന്ദ്രൻ, എക്സി.കമ്മിറ്റിയംഗം ലേഖാ പ്രദീപ്, കേന്ദ്രകമ്മിറ്റിയംഗം ശശികല മോഹൻ, കോർഡിനേറ്റർ അജിത ഗോപൻ, കൺവീനർ പ്രീതാ ബെന്നി, യൂണിയൻ കൗൺസിലർമാരായ മനോജ് ഗോപാൽ, ബിജു മേത്താനം, സരസൻ ഓതറ, രാജേഷ് മേപ്രാൽ, അനിൽ ചക്രപാണി, പഞ്ചായത്ത് കമ്മിറ്റിയംഗങ്ങളായ കെ.എൻ.രവീന്ദ്രൻ, കെ.കെ.രവി, വള്ളംകുളം ശാഖാ ചെയർമാൻ വിജയൻ അതിരുവേലിൽ, കൺവീനർ കെ.ജെ അഭിലാഷ്, സൈബർസേന കോർഡിനേറ്റർ അവിനാഷ് മനോജ് എന്നിവർ പ്രസംഗിക്കും. തിരുവല്ല ടൗൺ, വള്ളംകുളം, ഓതറ, ഇരവിപേരൂർ, നെല്ലിമല, ഓതറ കുമാരനാശാൻ, ഓതറ ഈസ്റ്റ്, തൈമറവുംകര എന്നീ ശാഖകളിലെ വനിതാസംഘം പ്രവർത്തകർ പങ്കെടുക്കും.