പ്രമാടം : പ്രമാടം കുടിവെള്ള പദ്ധതി വിപുലീകരിക്കുന്നതിനായി നാല് പുതിയ വാട്ടർടാങ്കുകൾ നിർമ്മിക്കും. കുളപ്പാറ, നെടുംപാറ, പടപ്പുപാറ, കൊച്ചുമല എന്നിവിടങ്ങളിലാണ് ടാങ്കുകൾ . മറൂർ കുളപ്പാറ മലയിലാണ് ഇപ്പോഴുള്ള പ്രധാന ടാങ്ക് . വർഷങ്ങൾക്ക് മുമ്പ് സ്ഥാപിച്ച ടാങ്കിന് ബലക്ഷയമുണ്ട്. പമ്പിംഗ് കൂടുൽ കാര്യക്ഷമമാക്കാൻ അച്ചൻകോവിലാ​റ്റിലെ വ്യാഴിക്കടവിൽ കിണറും തടയണയും നിർമ്മിക്കും. മറൂർ വെട്ടിക്കാലിൽപടി പമ്പ് ഹൗസിൽ നിന്നാണ് നിലവിൽ പമ്പിംഗ് നടത്തുന്നത്. ഇതിനുപുറമേ വ്യാഴി കടവിൽ നിന്ന് പമ്പിംഗ് തുടങ്ങുന്നതോടെ ടാങ്കുകളിലേക്ക് ആവശ്യാനുസരണം വേഗത്തിൽ വെള്ളം എത്തിക്കാൻ കഴിയും.
102 കോടി രൂപയുടെ സമഗ്ര കുടിവെള്ള പദ്ധതിയാണ് പ്രമാടത്തിനായിആവിഷ്കരിച്ചിരിക്കുന്നത്. വേനൽക്കാലത്ത് കുടിവെള്ളക്ഷാമം അതിരൂക്ഷമാകുന്ന പ്രദേശമാണിത്. ജില്ലയിലെ ഏ​റ്റവും വലിയ പഞ്ചായത്തുകളിൽ ഒന്നാണ് പ്രമാടം. 19 വാർഡുകളിലായി വ്യാപിച്ചു കിടക്കുന്ന പ്രമാടത്ത് 35000ൽ കൂടുതൽ ജനസംഖ്യയുണ്ട്.അച്ചൻകോവിലാ​റ്റിലെ മറൂർ ശുദ്ധജല വിതരണ പദ്ധതിയിൽ നിന്നുള്ള ജല വിതരണത്തിന്റെ പ്രയോജനം ഇപ്പോൾ ജനങ്ങൾക്ക് ആവശ്യാനുസരണം ലഭിക്കുന്നില്ല. മഴക്കാലത്ത് പോലും ശുദ്ധജല ക്ഷാമം അനുഭവപ്പെടുന്ന മുണ്ടയ്ക്കാമുരുപ്പ് തുടങ്ങിയ പ്രദേശങ്ങളും ഇവിടെയുണ്ട്. കാലപ്പഴക്കം കാരണം പ്രധാന പൈപ്പുലൈനുകൾ ഉൾപ്പടെ പൊട്ടി കുടിവെള്ളം മുടങ്ങാറുണ്ട്

102 കോടിയുടെ പദ്ധതി

.9669 കുടുംബങ്ങൾക്ക് പ്രയോജനം