തിരുവല്ല ; ഗുണമേന്മയുള്ള വിദ്യാഭ്യാസം ഓരോകുട്ടിയുടെയും അവകാശം എന്ന മുദ്രാവാക്യമുയർത്തി കേരള ശാസ്ത്ര സാഹിത്യ പരിഷത്തിന്റെ നേതൃത്വത്തിൽ നടക്കുന്ന സംസ്ഥാന വിദ്യാഭ്യാസ വാഹന പ്രചാരണജാഥയ്ക്ക് ഡിസംബർ അഞ്ചിന് രാവിലെ 10.30ന് തിരുവല്ലയിൽ സ്വീകരണം നൽകും. ജാഥയുടെ സംഘാടകസമിതി രൂപീകരണയോഗം നഗരസഭ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ഷീജ കരിമ്പൻകാല ഉദ്ഘാടനം ചെയ്തു. പരിഷത്ത് മേഖലാ പ്രസിഡന്റ് ഡോ.കെ. ഷീജ അദ്ധ്യക്ഷത വഹിച്ചു. സംസ്ഥാന വിദ്യാഭ്യാസജാഥ കോർ കമ്മിറ്റിഅംഗം ഡോ.ആർ.വിജയമോഹനൻ ജാഥയുടെ ഉദ്ദേശ്യലക്ഷ്യങ്ങൾ വിശദീകരിച്ചു. ജാഥയുടെ പ്രചരണാർത്ഥം തയാറാക്കിയ ആറ് ലഘുലേഖകളുടെ പ്രകാശനം റിട്ട.ജില്ലാ വിദ്യാഭ്യാസ ഓഫീസർ പ്രസീന പി.ആർ മേഖല കമ്മിറ്റിയംഗം കെ.രജനി ഗോപാലിന് നൽകി നിർവഹിച്ചു. ജാഥയുടെ സമാപനദിവസം മുഖ്യമന്ത്രിക്ക് സമർപ്പിക്കുന്ന നിവേദനത്തിലേക്കുള്ള ഒപ്പു ശേഖരണത്തിനും തുടക്കമിട്ടു. പരിഷത്ത് മേഖലാസെക്രട്ടറി അജി അമ്പാൻ, ജില്ലാകമ്മിറ്റിയംഗം ബെന്നി മാത്യു എന്നിവർ സംസാരിച്ചു. ഡോ.കെ.ഷീജ ചെയർപേഴ്സണും അജി തമ്പാൻ കൺവീനറുമായി സംഘാടകസമിതി രൂപീകരിച്ചു.