ചെങ്ങന്നൂർ: അരീക്കര പറയരുകാലാ ദേവീക്ഷേത്രത്തിലെ നവ ചണ്ഡികാഹോമം 30, ഡിസംബർ 1 തിയതികളിൽ നടക്കും. കൊല്ലൂർ ശ്രീമൂകാംബിക ക്ഷേത്രത്തിലെ മുഖ്യ പുരോഹിതനായ ഡോ. മൂർത്തി കാളിദാസ് ഭട്ടാണ് ആചാര്യൻ.ക്ഷേത്ര തന്ത്രി പറവൂർ രാകേഷ് തന്ത്രി മുഖ്യകാർമ്മികത്വം വഹിക്കും. യജ്ഞശാലയിൽ സ്ഥാപിക്കാനുള്ള ധ്വജം ചെട്ടികുളങ്ങര ദേവീക്ഷേത്രത്തിൽ നിന്നും

ഹോമ വേദിയിൽ തെളിയ്ക്കാനുള്ള ഭദ്ര ദീപം മലയാലപ്പുഴ ദേവീ ക്ഷേത്രത്തിൽ നിന്നും ഏറ്റുവാങ്ങി . 29 ന് വൈകിട്ട് 7 ന് പറവൂർ രാകേഷ് തന്ത്രികളുടെ അദ്ധ്യക്ഷതയിൽ യജ്ഞ സമ്മേളനം നടക്കും. ശിവഗിരി മഠത്തിലെ സ്വാമി ശിവ സ്വരൂപാനന്ദ ഉദ്ഘാടനം ചെയ്യും. വിവിധ ക്ഷേത്രങ്ങളിലെ പൂജാരിമാരെയും ജ്യോത്സ്യൻമാരെയും , കോടുകുളഞ്ഞി വിശ്വഗാജി മഠാധിപതി സ്വാമി ശിവ ബോധാനന്ദ ആദരിക്കും. പറയരുകാലാ ശ്രീ ജ്ഞാനാംബികാ പുരസ്‌കാരങ്ങൾ പി.വി മിനി വിതരണം ചെയ്യും. ദേവസ്വം പ്രസിഡന്റ് പി. സുജിത് ബാബു സ്വാഗതവും ജനറൽ കൺവീനർ വിനോദ് കാവേരി നന്ദിയും പറയും.30 ന് രാവിലെ 9 ന് ആചാര്യവരണം. 9.30 ന് ഭദ്രദീപ പ്രകാശനം ഗാനരചയിതാവ് വയലാർ ശരത്ചന്ദ്ര വർമ്മ നിർവഹിക്കും. ഡിസംബർ 1 ന് രാവിലെ 8 മുതൽ നവ ചണ്ഡികാ ഹോമം നടക്കും.