പത്തനംതിട്ട : മരണപ്പെട്ട നവീൻ ബാബുവിന്റെ കുടുംബത്തിന് നീതി ലഭ്യമാക്കാതെ സി.പി.എമ്മും സർക്കാരും വഞ്ചന കാട്ടുന്നതായി മുൻ പ്രതിപക്ഷ നേതാവ് രമേശ് ചെന്നിത്തല പറഞ്ഞു. നവീൻ ബാബുവിന്റെ മരണം സി.ബി.ഐ അന്വേഷിക്കണമെന്ന് ആവശ്യപ്പെട്ട് മഹിള കോൺഗ്രസ് ജില്ലാ കമ്മി​റ്റിയുടെ നേതൃത്വത്തിൽ കളക്ടറേറ്റ് പടിക്കൽ നടത്തിയ ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം.
മഹിളാ കോൺഗ്രസ് ജില്ലാ പ്രസിഡന്റ് രജനി പ്രദീപ് അദ്ധ്യക്ഷത വഹിച്ചു. സംസ്ഥാന പ്രസിഡന്റ് ജെബി മേത്തൻ എം.പി , ആന്റോ ആന്റണി എം.പി, ഡി.സി.സി പ്രസിഡന്റ് പ്രൊഫ.സതീഷ് കൊച്ചു പറമ്പിൽ, എ.ഷംസുദ്ദീൻ, റിങ്കു ചെറിയാൻ, ജോർജ് മാമൻ കൊണ്ടൂർ, അനീഷ് വരിക്കണ്ണാമല, എലിസബത്ത് അബു, എ.സുരേഷ് കുമാർ, ലാലി ജോൺ , സുധാ നായർ,സുജാ ജോൺ, ദീപ അനിൽ, മഞ്ജു വിശ്വനാഥ്, ആശാ തങ്കപ്പൻ, സാമുവൽ കിഴക്ക്പുറം, സുനിൽ എസ് ലാൽ, തുടങ്ങിയവർ സംസാരിച്ചു.