ഓയൂർ: ഗുരുധർമ്മ പ്രചാരണ സഭ കൊല്ലം ജില്ലാ കമ്മിറ്റിയുടെയും മാതൃസഭ, യുവജനസഭ എന്നിവയുടെയും സംയുക്താഭിമുഖ്യത്തിൽ ഇന്നു വൈകിട്ട് മൂന്നി​ന് കൊല്ലം രാമസ്വാമി മഠത്തിൽ മെമ്പർഷിപ്പ് ക്യാമ്പ് നടക്കും. മഠം സെക്രട്ടറി ധർമ്മവ്രത സ്വാമിയി​ൽ നിന്നു.കേരളകൗമുദി റസി​ഡന്റ് എഡി​റ്ററും കൊല്ലം കൊല്ലം യൂണിറ്റ് ചീഫുമായ.എസ്. രാധാകൃഷ്ണൻ ആദ്യ മെമ്പർഷിപ്പ് ഏറ്റുവാങ്ങി ഉദ്ഘാടനം നി​ർവഹി​ക്കും. ജില്ലയിൽ നിന്ന് 10,000 അംഗങ്ങളെ ചേർക്കാനാണ് തീരുമാനം. ജില്ലാ പ്രസിഡന്റ്, എം.എസ്. മണിലാൽ അദ്ധ്യക്ഷത വഹി​ക്കും. വർക്കല ശി​വഗി​രി​ മഠം ജോയി​ന്റ് രജി​സ്ട്രാർ പുത്തൂർ ശോഭനൻ മുഖ്യപ്രഭാഷണം നടത്തും. അഡ്വ. സുഗതൻ, കെ. ശശിധരൻ, ബിജു വരുൺ, വെഞ്ചേമ്പ് മോഹൻദാസ്, മാതൃസഭ ജില്ലാ പ്രസിഡന്റ് മൃദുല കുമാരി, സെക്രട്ടറി സുഷമ്മ പ്രസന്നൻ, യുവജന സഭ പ്രസിഡന്റ്. മഹേന്ദ്രൻ എന്നി​വർ സംസാരി​ക്കും. ജില്ലാ സെക്രട്ടറി പന്മന സുന്ദരേശൻ സ്വാഗതവും ട്രഷറർ ഓയൂർ സുരേഷ് നന്ദി​യും പറയും.