പുനലൂർ: എസ്.എൻ.ഡി.പി യോഗം പുനലൂർ യൂണിയനിലെ 471-ാം നമ്പർ ആലഞ്ചേരി ശാഖയിൽ വാർഷിക പൊതുയോഗവും ഭരണസമിതി തിരഞ്ഞെടുപ്പും നടന്നു. പുനലൂർ യൂണിയൻ പ്രസിഡന്റ് ടി.കെ.സുന്ദരേശൻ പൊതുയോഗം ഉദ്ഘാടനം ചെയ്തു. ശാഖ പ്രസിഡന്റ് കെ.പി.രാജു അദ്ധ്യക്ഷനായി. യൂണിയൻ സെക്രട്ടറി ആർ.ഹരിദാസ് മുഖ്യപ്രഭാഷണം നടത്തി. യോഗം അസി.സെക്രട്ടറി വനജ വിദ്യാധരൻ ,യൂണിയൻ കൗൺസിലർ എസ്.സദാനന്ദൻ,വനിതസംഘം യൂണിയൻ പ്രസിഡന്റ് ഷീലമധുസൂദനൻ, സെക്രട്ടറി ഓമന പുഷ്പാംഗദൻ,ശാഖ സെക്രട്ടറി രാജേന്ദ്രൻ തുടങ്ങിയവർ സംസാരിച്ചു. ഭാരവാഹികളായി അനിൽകുമാർ(പ്രസിഡന്റ്), ഡി.വിനോദ് (വൈസ് പ്രസിഡന്റ്), സി.ഷിബു(സെക്രട്ടറി), എസ്.രാജേന്ദ്രൻ(യൂണിയൻ പ്രതിനിധി) എന്നിവരെ പൊതുയോഗം തിരഞ്ഞെടുത്തു.