കുളത്തൂപ്പുഴ: ജ​ന​വാ​സ​മേ​ഖ​ല​യി​ലേ​ക്ക് കാ​ട്ടു​മൃ​ഗ​ങ്ങ​ളെ​ത്തു​ന്ന​ത് പ​തി​വാ​യ കു​ള​ത്തൂ​പ്പു​ഴ​യി​ൽ ഇന്നലെ കാ​ട്ടു​പോ​ത്തിന്റെ കൂ​ട്ട​മെ​ത്തി. കുളത്തൂപ്പുഴ 16 ഏക്കർ ഭാഗത്ത് ഇന്നലെ വൈകിട്ട് 3 ഓടെയാണ് കാട്ടുപോത്തുകൾ എത്തിയത്. ഇ​വ മ​ണി​ക്കൂ​റോ​ളം നി​ല​യു​റ​പ്പി​ച്ച​ത് സ​മീ​പ​വാ​സി​ക​ളെ ഭീ​തി​യി​ലാ​ഴ്ത്തി. സ്കൂൾ വിട്ട് വീട്ടിലേക്ക് പോയ കുട്ടികളാണ് ആദ്യം കാട്ടുപോത്ത്‌ കൂട്ടത്തെ കണ്ടത്. കുട്ടികളുടെ നിലവിളി കേട്ട് സമീപവാസികൾ എത്തി വിരട്ടിയോടിക്കാൻ ശ്രമിച്ചെങ്കിലും പരാജയപ്പെട്ടു. തുടർന്ന് നാട്ടുകാർ വനം വകുപ്പിൽ വിവരം അറിയിച്ചു. അഞ്ചൽ റേഞ്ച് ഓഫീസിൽ നിന്ന് റാ​പ്പി​ഡ് റെ​സ്പോ​ണ്‍സ് ടീം സ്ഥ​ല​ത്തെ​ത്തി. റേഞ്ച് ഓഫീസർ ജി.അജികുമാർ, ബീറ്റ് ഫോറസ്റ്റ് ഓഫീസർ ബിനിൽ, വാ​ച്ച​ർമാ​രാ​യ ജയശ്രീ, രവികുമാർ, ഡ്രൈവർ ഷിജു എന്നിവരടങ്ങിയ സംഘം ഏ​റെ​നേ​ര​ത്തെ ശ്ര​മ​ത്തി​നൊ​ടു​വി​ലാണ് കാ​ട്ടു​പോ​ത്തു​ക​ളെ വ​ന​ത്തി​ലേ​ക്ക് തു​ര​ത്തിയത്. മാസങ്ങൾക്ക് മുമ്പ് ഈ ഗ്രൗണ്ടിൽ കളിച്ചുകൊണ്ടിരുന്ന യുവാക്കൾക്ക് നേരെ കാട്ടുപോത്തിന്റെ ആക്രമണം ഉണ്ടായിട്ടുണ്ട്.