പ​ത്ത​നാ​പു​രം: പ്ര​തി​സ​ന്ധി​ക​ളിൽ പൊ​രു​തി ജയിച്ച ഗാ​ന്ധി​ഭ​വ​ന്റെ സ്വന്തം മ​കൾ ചൈ​ത​ന്യ അ​യർ​ല​ൻഡി​ലേ​ക്ക് പ​റ​ന്നു. ഗാ​ന്ധി​ഭ​വൻ സെ​ക്ര​ട്ട​റി പു​ന​ലൂർ സോ​മ​രാ​ജ​നും ഭാ​ര്യ പ്ര​സ​ന്ന​യ്​ക്കും മ​ക്കൾ​ക്കൊ​പ്പ​മാ​യി​രു​ന്നു ചൈ​ത​ന്യ​യും താ​മ​സി​ച്ചി​രു​ന്ന​ത്.

സ്വ​ന്ത​മാ​യി വീ​ടോ സ്ഥ​ല​മോ ഇ​ല്ലാ​തി​രു​ന്ന ചൈ​ത​ന്യ​യു​ടെ മാ​താ​പി​താ​ക്ക​ളും സ​ഹോ​ദ​ര​ങ്ങ​ളും ആ​ല​പ്പു​ഴ മു​ല്ല​യ്​ക്കൽ വ​ഴി​യ​രി​കിൽ കൂ​ര​കൂ​ട്ടി​യാ​ണ് താ​മ​സി​ച്ചി​രു​ന്ന​ത്. ചൈ​ത​ന്യ​യ്​ക്ക് ഒ​ന്ന​ര വ​യസു​ള്ള​പ്പോൾ അ​മ്മ​യും ആ​റുവ​യസോ​ടെ അ​ച്ഛ​നും മ​രി​ച്ചു. സം​ര​ക്ഷി​ക്കാൻ ആ​രു​മി​ല്ലാ​താ​യ കു​ട്ടി​കൾ അ​ക​ന്ന ബ​ന്ധു​വി​ന്റെ വീ​ട്ടിൽ വീ​ട്ടു​ജോ​ലി​കൾ ചെ​യ്​ത് അ​വ​രു​ടെ നിർ​ദ്ദേ​ശാ​നു​സ​ര​ണം ജീ​വി​ക്കു​ക​യാ​യി​രു​ന്നു.

ദു​രി​ത​ജീ​വി​ത​ത്തി​നി​ട​യി​ലും ഇ​വർ പഠ​നം ഉ​പേ​ക്ഷി​ച്ചി​ല്ല. അ​പ്ര​തീ​ക്ഷി​ത​മാ​യി ബ​ന്ധു​വീ​ട്ടിൽ നി​ന്ന് ആ​ട്ടി​യി​റ​ക്ക​പ്പെ​ട്ട​തോ​ടെ അ​വർ തീർ​ത്തും ഒ​റ്റ​പ്പെ​ട്ടു. എ​ങ്ങോ​ട്ട് പോ​ക​ണ​മെ​ന്ന​റി​യാ​തെ പ​ക​ച്ചു​നി​ന്ന കു​ട്ടി​ക​ളു​ടെ ദുഃ​ഖം ക​ണ്ട ആ​ല​പ്പു​ഴ എ​സ്.ഡി.വി (സ​നാ​ത​ന ധർ​മ്മ വി​ദ്യാ​ല​യം) സ്​കൂ​ളി​ലെ കൗൺ​സി​ലർ​മാ​രും സ്​കൂൾ അ​ധി​കൃ​ത​രും ഇ​ട​പെ​ട്ട് പ​തി​നാ​ലു വർ​ഷം മുമ്പാ​ണ് ചൈ​ത​ന്യ​യെ​യും സ​ഹോ​ദ​രി​മാ​രെ​യും ഗാ​ന്ധി​ഭ​വ​നിൽ എ​ത്തി​ച്ച​ത്.

ഗാ​ന്ധി​ഭ​വ​നി​ലെ​ത്തി​യ​തോ​ടെ ചൈ​ത​ന്യ​യു​ടെ​യും സ​ഹോ​ദ​രി​മാ​രു​ടെ​യും പഠ​നം പു​ന​രാ​രം​ഭി​ച്ചു. കഴിഞ്ഞ ഒ​ക്ടോ​ബർ 28ന് തി​രു​വ​ന​ന്ത​പു​രം പാ​റ​ശാ​ല സ്വ​ദേ​ശി​യും ബി.​എ​സ്‌‌സി നഴ്​സിംഗ് ബി​രു​ദ​ധാ​രി​യു​മാ​യ അ​ഖിൽ.എ​സ്.ക​മ​ലു​മാ​യി ചൈ​ത​ന്യ​യു​ടെ വി​വാ​ഹ​നി​ശ്ച​യം ഗാ​ന്ധി​ഭ​വ​നിൽ ന​ട​ന്നിരുന്നു. ചൈതന്യയുടെ സഹോദരിമാരുടെ വിവാഹവും ഗാന്ധിഭവനാണ് നടത്തിക്കൊടുത്തത്.

പഠനത്തിൽ മിടുക്കി

പ​ത്ത​നാ​പു​രം മൗ​ണ്ട് താ​ബോർ സ്​കൂ​ളിൽ നി​ന്ന് പ്ല​സ്​ടു​വി​ന് ഉ​ന്ന​ത വി​ജ​യം ക​ര​സ്ഥ​മാ​ക്കി​യ ചൈ​ത​ന്യ ജ​ന​റൽ ന​ഴ്‌​സിം​ഗും പോ​സ്റ്റ് ബി​.എ​സ്‌‌സി ന​ഴ്‌​സിം​ഗും മി​ക​ച്ച നി​ല​യിൽ പാ​സാ​യി. ശേഷം കൊ​ല്ലം ഉ​പാ​സ​ന നഴ്സിംഗ് കോ​ളേ​ജിൽ ല​ക്​ച​ററാ​യി ജോ​ലി ചെ​യ്യുകയായിരുന്നു. ഇതിനിടെ വി​ദേ​ശ​ത്ത് പോ​കു​ന്ന​തി​നു​ള്ള ഒ.ഇ.ടി പ​രീ​ക്ഷ പാ​സാ​യി.

ആ​രോ​ഗ്യ​പ്ര​ശ്‌​ന​ങ്ങ​ളു​ണ്ടാ​യി​ട്ടും കൊ​വി​ഡ് കാ​ല​ത്ത് സ്വ​ന്തം താ​ല്​പ​ര്യ​പ്ര​കാ​രം ചൈ​ത​ന്യ വി​വി​ധ ഹോ​സ്​പി​റ്റ​ലു​ക​ളിൽ ഡ്യൂ​ട്ടി ചെ​യ്​തു. ഗാ​ന്ധി​ഭ​വ​നി​ലെ അ​ച്ഛ​ന​മ്മ​മാ​രെ ശു​ശ്രൂ​ഷി​ച്ചും അ​വ​രു​ടെ ആ​രോ​ഗ്യ​കാ​ര്യ​ങ്ങൾ ശ്ര​ദ്ധി​ച്ചു​മാ​ണ് ഗാ​ന്ധി​ഭ​വ​നിൽ ക​ഴി​ഞ്ഞി​രു​ന്ന​ത്.

ത​ന്നെ കു​റ്റ​പ്പെ​ടു​ത്തി​യ​വ​രു​ടെ​യും അ​വ​ഗ​ണി​ച്ച​വ​രു​ടെ​യും മു​ന്നിൽ ത​ല​യു​യർ​ത്തി​പ്പി​ടി​ച്ചു നിൽ​ക്ക​ണ​മെ​ന്ന ഒ​രൊ​റ്റ ല​ക്ഷ്യ​ത്തി​ന്റെ പി​ന്നി​ലു​ള്ള കഠി​നാ​ധ്വാ​ന​ത്തി​ന്റെ ഫ​ല​മാ​ണ് ചൈ​ത​ന്യ​യു​ടെ അ​യർ​ലൻഡ് യാ​ത്ര.

പു​ന​ലൂർ സോ​മ​രാ​ജൻ, ഗാ​ന്ധി​ഭ​വൻ മാ​നേ​ജിം​ഗ് ട്ര​സ്റ്റി​