കൊ​ല്ലം: ആ​ശ്രാ​മം മൈ​താ​ന​ത്ത് പ്ലാ​സ്റ്റി​ക് മാ​ലി​ന്യ​ങ്ങൾ ഉൾ​പ്പ​ടെ​യു​ള്ള​വ കു​ന്നു​കൂ​ടി​യി​ട്ടും ന​ട​പ​ടി​യെ​ടു​ക്കാ​തെ അ​ധി​കൃ​ത​​ർ. ന​ഗ​ര​ത്തി​ലെ സർ​ക്കാർ പ​രി​പാ​ടി​കൾ​ക്കും സ്വ​കാ​ര്യ എ​ക്‌​സി​ബി​ഷ​നു​കൾ​ക്കും ആ​തി​ഥ്യം വ​ഹി​ക്കു​ന്ന​ത് ആ​ശ്രാ​മം മൈ​താ​ന​മാ​ണ്. ഇ​വർ ഉപേക്ഷിക്കുന്ന പ്ളാസിറ്റിക് മാലിന്യങ്ങളാണ് മൈതാനത്ത് ചിതറിക്കിടക്കുന്നത്.

ഇതിനെതിരെ കോർ​പ്പ​റേ​ഷ​നും പ​ഞ്ചാ​യ​ത്തി​നും നാ​ട്ടു​കാർ പ​രാ​തി നൽ​കി​യി​ട്ടും നാ​ളി​തു​വ​രെ ന​ട​പ​ടി സ്വീകരിച്ചി​ട്ടി​ല്ല. അ​ടു​ത്തി​ടെ ആ​ശ്രാ​മം മൈ​താ​ന​ത്ത് അ​വ​സാ​നി​ച്ച എ​ക്‌​സി​ബി​ഷ​ൻ ന​ട​ത്തി​പ്പു​കാർ ഉ​പേ​ക്ഷി​ച്ച ഫ്‌​ള​ക്‌​സ് ഉൾ​പ്പെടെ​യു​ള്ള മാ​ലി​ന്യ​ങ്ങൾ മൈ​താ​ന​ത്ത് കൂ​ടി​ക്കി​ട​ക്കു​ക​യാ​ണ്. ഇ​വ കാ​റ്റ​ടി​ച്ച് മൈ​താ​ന​ത്തി​ന്റെ ന​ട​പ്പാ​ത​യി​ലേ​ക്കും എത്തി.

ന​ട​പ്പാ​തയുടെ പ​രി​പാ​ല​നം ഡി.ടി.പി.സി​യു​ടെ കീ​ഴി​ലാ​ണ്. എ​ന്നാൽ മൈ​താ​ന​ത്തി​ന്റെ പ​രി​പാ​ല​നം കോർ​പ്പ​റേ​ഷ​നും മൈ​താ​ന​ത്ത് സ്ഥ​ലം വി​ട്ടുനൽ​കു​ന്ന​ത് ഉൾ​പ്പ​ടെ​യു​ള്ള കാ​ര്യ​ങ്ങൾ റ​വ​ന്യു വ​കു​പ്പി​ന് കീ​ഴി​ലുമാ​ണ്. ന​ട​പ്പാ​ത​യു​ടെ പ​രി​പാ​ല​ന​ത്തിന് ആ​റ് ശു​ചീ​ക​ര​ണ ​തൊ​ഴി​ലാ​ളി​കളെയാണ് ഡി.ടി.പി.സി നി​യോ​ഗി​ച്ചി​ട്ടു​ള്ള​ത്. ന​ട​പ്പാ​ത​യി​ലെ മാ​ലി​ന്യം ഇ​വർ നീ​ക്കുമെ​ങ്കി​ലും മൈതാനത്തെ അവസ്ഥ പരിതാപകരമാണ്.

ഭ​ക്ഷ​ണാ​വ​ശി​ഷ്ട​ങ്ങൾ വ​രെ മൈ​താ​ന​ത്ത് നി​ക്ഷേ​പി​ക്കു​ന്ന സ്ഥി​തി​യാ​ണുള്ളത്. നിലവിലെ അവസ്ഥ ശു​ചി​ത്വ​മി​ഷ​നോ​ടും ഹെൽ​ത്ത് ഇൻ​സ്‌​പെ​ക്ടർ​മാ​രോ​ടും പറഞ്ഞെങ്കിലും ഉ​ത്ത​ര​വാ​ദിത്തം റ​വ​ന്യു വ​കു​പ്പി​നാ​ണെ​ന്ന് പ​റ​ഞ്ഞ് കൈ​യൊ​ഴി​യു​ക​യാ​ണ്. ല​ക്ഷ​ങ്ങൾ വാ​ങ്ങി പ​രി​പാ​ടി ന​ട​ത്താൻ അ​നു​മ​തി നൽ​കു​ന്ന റവന്യു ഉ​ദ്യോ​ഗ​സ്ഥർ പ​രി​പാ​ടി​ക്ക് ശേ​ഷം മൈ​താ​ന​ത്തെ മാ​ലി​ന്യം നീ​ക്കം ചെ​യ്യു​ന്ന​തി​ന് ന​ട​പ​ടി ​സ്വീ​ക​രി​ക്കാത്തതാണ് ഇപ്പോഴത്തെ പ്രതിസന്ധിക്ക് കാരണം.

വ്യവസ്ഥ പാലിക്കാത്തത് വില്ലൻ

1. മൈ​താ​നം വാ​ട​ക​യ്​ക്ക് നൽ​കു​മ്പോൾ തന്നെ പ​രി​പാ​ടി അ​വ​സാ​നി​ച്ച ശേ​ഷം സ്ഥ​ലം വൃ​ത്തി​യാ​ക്കി നൽ​ക​ണ​മെ​ന്നാ​ണ് വ്യ​വ​സ്ഥ

2. മൈ​താ​നം പൂർ​വ​സ്ഥി​തി​യി​ലാ​ക്കി​യാൽ മാ​ത്ര​മേ കെ​ട്ടി​വ​ച്ച കാ​ശ് റവന്യു വകുപ്പ് തി​രി​കെ നൽകൂ

3. മൈ​താ​ന​ത്തി​ന്റെ അ​വ​സ്ഥ മ​ന​സി​ലാ​ക്കാ​തെ കാശ് തിരികെ നൽകുന്ന സ്ഥിതിയാണെന്നാണ് ആ​ക്ഷേ​പം

4. ഉ​പ​യോ​ഗ ശേ​ഷം വ​ലി​ച്ചെ​റി​യു​ന്ന ഭ​ക്ഷ​ണാ​വ​ശി​ഷ്ട​ങ്ങൾ മ​ഴ​യ​ത്ത് അ​ഴു​കി ദുർ​ഗ​ന്ധം വ​മി​ക്കു​ന്ന നി​ല​യിൽ

5. മാ​ലി​ന്യ​ങ്ങൾ വർ​ദ്ധി​ക്കു​ന്ന​തി​നാൽ മൈ​താ​ന​ത്ത് തെ​രു​വ് നാ​യ​ശല്യ​വും രൂ​ക്ഷം

ഇവിടം കടക്കാൻ മൂക്ക് പൊത്തണം

ആ​ശ്രാ​മം മൈ​താ​ന​ത്ത് വ്യാ​യാ​മ​ത്തി​നും ന​ട​ക്കാ​നും വി​ശ്ര​മി​ക്കാനു​മാ​യി നൂ​റി​ല​ധി​കം പേ​രാ​ണ് നി​ത്യേ​ന എ​ത്തു​ന്ന​ത്. മൈ​താ​ന​ത്ത് കൂ​ടി ന​ട​ക്കു​മ്പോൾ മൂ​ക്ക് പൊ​ത്താ​തെ ന​ട​ക്കാ​നാ​കാ​ത്ത സ്ഥി​തി​യാ​ണ്. യാ​തൊ​രു മാ​ന​ദ​ണ്ഡ​ങ്ങ​ളും പാ​ലി​ക്കാ​തെ​യാ​ണ് മാ​ലി​ന്യ​ങ്ങൾ ഇവിടെ വ​ലി​ച്ചെ​റി​യു​ന്ന​ത്.

മൈ​താ​ന​ത്ത് പോ​ത്തി​നെ കെ​ട്ടു​ന്ന​തും അ​പ​ക​ട​ഭീ​ഷ​ണി ഉ​യർ​ത്തു​ന്നു​. പോ​ത്തു​കൾ ന​ട​പ്പാ​ത​യി​ലുൾ​പ്പ​ടെ ചാ​ണ​ക​വും മ​റ്റും ഇ​ടു​ന്ന​ത് വ്യാ​യാ​മ​ത്തി​നെ​ത്തു​ന്ന​വ​രെ ബു​ദ്ധി​മു​ട്ടി​ക്കുന്നുണ്ട്.

പ്രഭാത നടത്തക്കാർ