കൊ​ട്ടാ​ര​ക്ക​ര: മ​രം മു​റി​ച്ചി​ട്ട​തി​നെ ചൊ​ല്ലി​യു​ണ്ടാ​യ തർ​ക്ക​ത്തി​ന്റെ പേ​രിൽ യു​വാ​വി​നെ ത​ല​യ്​ക്ക​ടി​ച്ച് കൊ​ന്ന കേ​സിൽ പ്ര​തി​ക​ളാ​യ അ​ച്ഛ​നെയും മ​കനെയും ജീ​വ​പ​ര്യ​ന്തം ത​ട​വി​നും അ​മ്പ​തി​നാ​യി​രം രൂ​പ പി​ഴ​യ്ക്കും ശി​ക്ഷി​ച്ചു. കു​ന്നി​ക്കോ​ട് ക​ടു​വാം​കോ​ട് വീ​ട്ടിൽ അ​നിൽ​കു​മാറിനെ (35) കൊ​ല​പ്പെ​ടു​ത്തി​യ കേ​സി​ലെ പ്ര​തി​ക​ളാ​യ കു​ന്നി​ക്കോ​ട് പ​ച്ചി​ല​വ​ള​വു ആൽ​ഫി ഭ​വ​ന​ത്തിൽ ദ​മീ​ജ് അ​ഹ​മ്മ​ദ് (28) പി​താ​വ് സ​ലാ​ഹു​ദ്ദീൻ (63) എ​ന്നി​വ​രെ​യാ​ണ് കൊ​ട്ടാ​ര​ക്ക​ര സ്‌​പെ​ഷ്യൽ എ​സ്.സി.എ​സ്.ടി കോ​ട​തി ജ​ഡ്​ജി ജ​യ​കൃ​ഷ്​ണൻ ശിക്ഷിച്ച​ത്. 2022 സെപ്തം​ബർ 17 നാ​ണ് കേ​സി​ന് ആ​സ്​പ​ദ​മാ​യ സം​ഭ​വം. അ​നിൽ​കു​മാ​റി​ന്റെ വ​സ്​തു​വി​ലെ തേ​ക്ക് മ​ര​ത്തി​ന്റെ ശി​ഖ​രം വെ​ട്ടി​യി​ട്ട​പ്പോൾ സ​ലാ​ഹു​ദീ​ന്റെ പ​റ​മ്പിൽ വീ​ഴു​ക​യും തു​ടർ​ന്ന് വാ​ക്കുതർ​ക്കം ഉ​ണ്ടാ​വു​ക​യും ചെ​യ്​തു. അർ​ദ്ധ​രാ​ത്രി​യോ​ടെ ര​ണ്ടാം പ്ര​തി സ​ലാ​ഹു​ദീ​നും ഒ​ന്നാം പ്ര​തി​യാ​യ മ​കൻ ദ​മീ​ജ് അ​ഹ​മ്മ​ദും ചേർ​ന്നു അ​നിൽ​കു​മാ​റി​ന്റെ വീ​ട്ടിൽ അ​തി​ക്ര​മി​ച്ചു ക​യ​റി ക​മ്പിവ​ടി, കൊ​ടു​വാൾ എ​ന്നി​വ കൊ​ണ്ട് ആ​ക്ര​മി​ച്ച് കൊ​ല​പ്പെ​ടു​ത്തു​ക​യാ​യി​രു​ന്നു. ഒ​ളി​വിൽ പോ​യ പ്രതികളെ ത​മി​ഴ്‌​നാ​ട്ടി​ലെ ഏർ​വാ​ടി​യിൽ നി​ന്നു​മാ​ണ് പൊ​ലീ​സ് ക​സ്റ്റ​ഡി​യി​ലെ​ടു​ത്ത​ത്. പ്രോ​സി​ക്യൂ​ഷ​ന് വേ​ണ്ടി സ്‌​പെ​ഷ്യൽ പ​ബ്ലി​ക് പ്രോ​സി​ക്യൂ​ട്ടർ അ​ഡ്വ. ജി.എ​സ്.സ​ന്തോ​ഷ്​കു​മാർ ഹാ​ജ​രാ​യി.