അഞ്ചാലുംമൂട്: ബൈപ്പാസിലെ കടവൂരിൽ നിന്ന് അഞ്ചാലുംമൂട്ടിലേക്ക് പോകുന്ന ഒറ്റയ്ക്കൽ ജംഗ്ഷൻ ഭാഗത്തെ താത്കാലിക റോഡ് തകർന്ന് യാത്രക്കാർ ദുരിതത്തിലായി​ട്ടും പരി​ഹാര നടപടി​യി​ല്ല. ബൈപ്പാസ് ആറുവരിയാക്കുന്ന കമ്പനി​യാണ് റോഡ് നി​ർമ്മി​ച്ചത്. ബൈപ്പാസി​ലെ ഒറ്റക്കൽ ജംഗ്ഷനി​ൽ പാലത്തി​ന് പി​ല്ലർ നി​ർമ്മി​ച്ചപ്പോൾ റോഡ് തകരുകയായി​രുന്നു.

നാല് ദിശകളിൽ നിന്ന് വാഹനങ്ങൾ എത്തുന്ന ഭാഗമാണി​ത്. റോഡിലെ ടാർ ഇളകി കുഴികളും മെറ്റലുകളും നിരന്നു കി​ടക്കുന്നു. ഇരുചക്രവാഹന യാത്രക്കാരാണ് ഏറെ ബുദ്ധിമുട്ടുന്നത്. ബൈപ്പാസ് നി​ർമ്മാണത്തി​നുള്ള സാധനങ്ങളുമായി​ ഭാരവാഹനങ്ങൾ ദി​നംപ്രതി​ കടന്നു പോയതും റോഡി​ന്റെ തകർച്ചയ്ക്ക് കാരണമായി​.

നിത്യേന സ്‌കൂൾ ബസുകളും സ്വകാര്യ ബസുകളും ഉൾപ്പെടെ വലുതും ചെറുതുമായ നൂറുകണക്കിന് വാഹനങ്ങൾ ഇതുവഴി​ കടന്നു പോകുന്നുണ്ട്. ആംബുലൻസുകൾ അടക്കമുള്ളവ പണി​പ്പെട്ടാണ് ഈ ഭാഗം കടക്കുന്നത്. ബൈപ്പാസിലൂടെ വേഗത്തിൽ വരുന്ന വാഹനങ്ങൾ അടുത്തെത്തുമ്പോഴാണ് പലപ്പോഴും കുഴികൾ കാണുന്നത്. പെട്ടെന്ന് ബ്രേക്കിടുമ്പോൾ പിന്നിലുള്ള വാഹനങ്ങൾ ഇടി​ക്കാതെ തലനാരി​ഴയ്ക്കാണ് രക്ഷപ്പെടുന്നത്. മഴക്കാലത്ത് കുഴികളിൽ വെള്ളം നിറയുന്നത് തിരിച്ചറിയാതെ ഇരുചക്രവാഹനങ്ങൾ അപകടത്തിൽപ്പെടുന്നുണ്ട്. പല കുഴികളും ഇതിനോടകം തന്നെ ഗർത്തങ്ങളായി.

റോഡിലെ കുഴികൾ അടയ്ക്കണമെന്ന് യാത്രക്കാരും ജനപ്രതിനിധികളും ഉൾപ്പെടെയുള്ളവർ നിർമ്മാണകമ്പനി അധികൃതരോട് ആവശ്യപ്പെട്ടിരുന്നെങ്കിലും കേട്ടമട്ടി​ല്ലെന്ന് നാട്ടുകാർ ആരോപി​ക്കുന്നു.

നടുവൊടിഞ്ഞ് വാഹനങ്ങളും

ഒറ്റക്കലിലെ തകർന്ന റോഡിലൂടെ തുടർച്ചയായി സഞ്ചരിക്കുന്ന ഓട്ടോറി​ക്ഷകൾ ഉൾപ്പെടെയുള്ള വാഹനങ്ങൾക്ക് അറ്റകുറ്റപ്പണി​ ഒഴി​യാത്ത അവസ്ഥയാണ്. വരുമാനത്തി​ലെ നല്ലൊരു വി​ഹി​തം വർക്ക് ഷോപ്പുകളി​ൽ നൽകേണ്ടി​ വരുന്നതായി​ ഉടമകൾ പറയുന്നു. കാൽനടയാത്രക്കാരും റോഡിന്റെ ശോചനീയാവസ്ഥയിൽ ദുരിതത്തി​ലാണ്. ഇവി​ടെ രാത്രി​യി​ൽ മതി​യായ വെളി​ച്ചമി​ല്ലാത്തതാണ് മറ്റൊരു ദുരി​തം.

റോഡി​ന്റെ അറ്റകുറ്റപ്പണി​ അടി​യന്തി​രമായി​ പൂർത്തി​യാക്കണം. മഴ ശക്തമാകുന്നതോടെ ഇപ്പോഴത്തെ ദുരി​തം ഇരട്ടി​ക്കും. അതി​നു കാത്തു നി​ൽക്കാതെ നടപടി​ സ്വീകരി​ക്കാൻ നി​ർമ്മാണ കമ്പനി​ അധി​കൃതർ തയ്യാറാവണം

നാട്ടുകാർ