കരുനാഗപ്പള്ളി: മുൻ എം.എൽ.എ ആർ.രാമചന്ദ്രന്റെ ഒന്നാം ചരമ വാർഷിക ദിനാചരണത്തിന്റെ ഭാഗമായി എ.ഐ.വൈ.എഫ് കരുനാഗപ്പള്ളി മണ്ഡലം കമ്മിറ്റി രക്തദാന ക്യാമ്പ് സംഘടിപ്പിച്ചു. കൊല്ലം ജില്ലാ ആശുപത്രിയുമായി ചേർന്നാണ് ക്യാമ്പ് സംഘടിപ്പിച്ചത്. കരുനാഗപ്പള്ളി ബി.എം.ഷെരീഫ് സ്മാരക ഹാളിൽ നടന്ന ക്യാമ്പ് എ.ഐ.വൈ.എഫ് ദേശീയ വർക്കിംഗ് കമ്മിറ്റി അംഗം എസ്.വിനോദ് കുമാർ ഉദ്ഘാടനം ചെയ്തു. മണ്ഡലം പ്രസിഡന്റ് ഷിഹാൻ ബഷി അദ്ധ്യക്ഷനായി. സെക്രട്ടറി യു.കണ്ണൻ സ്വാഗതം പറഞ്ഞു. ജില്ലാ കമ്മിറ്റി അംഗം എസ്.സജിത, എം.ഡി അജ്മൽ എന്നിവർ സംസാരിച്ചു.