മുഖത്തല: എൽ.ഡി​.എഫ് ഭരി​ക്കുന്ന തൃക്കോവിൽവട്ടം പ‌ഞ്ചായത്തിൽ ഫണ്ട് അനുവദിക്കുന്നതിൽ രാഷ്‌ട്രീയ വിവേചനമെന്ന് പ്രതിപക്ഷം. ഭരണകക്ഷി അംഗങ്ങൾക്ക് ശരാരരി 40 ലക്ഷം വരെ വാർഷിക ഫണ്ട് അനുവദിക്കുമ്പോൾ പ്രതിപക്ഷ അംഗങ്ങൾക്ക് പകുതി പോലും ലഭിക്കുന്നില്ലെന്നാണ് ആക്ഷേപം. ഇതിനെതി​രെ സമരം നടത്തി​യി​ട്ടും ഫലമുണ്ടാവാതി​രുന്നതി​നാൽ, ഓംബുഡ്‌സ്‌മാനെ സമീപിച്ചതിനെ തുടർന്ന് അടുത്തിടെ മൂന്ന് ലക്ഷം വീതം തങ്ങൾക്ക് ഉയർത്തി​ നൽകി​യെന്ന് പ്രതി​പക്ഷ അംഗങ്ങൾ പറഞ്ഞു.

ത്രിതല സംവിധാനമാകെ സി.പി.എം നിയന്ത്രണത്തിലായതിനാൽ പദ്ധതികൾക്ക് ആ വഴിക്കുള്ള ഫണ്ട് സാദ്ധ്യതയും ഇല്ലാതായി. കുണ്ടറ എം.എൽ.എയുടെ ഫണ്ടിനെ ആശ്രയിച്ചാണ് യു.ഡി.എഫ് മെമ്പർമാരുടെ വാർഡുകളിൽ വികസന പ്രവർത്തനങ്ങൾ നടക്കുന്നത്. 2015 ന് ശേഷം അറ്റകുറ്റപ്പണികൾ പോലും നടന്നി​ട്ടി​ല്ലാത്ത കോടാലിമുക്ക് - ചെന്താപ്പൂര്- വായനശാല- സ്‌കൂൾ ജംഗ്‌ഷൻ- കലുങ്ക്മുക്ക് വഴി കുരീപ്പള്ളിയിലേക്ക് നീളുന്ന റോഡ് അടുത്തിടെ ഒരു കോടി ചെലവാക്കി ഉന്നതഗുണനിലവാരത്തിൽ നവീകരിച്ചത് ഉദാഹരണമായി ഇവർ ചൂണ്ടിക്കാട്ടുന്നു.

23 അംഗ ഗ്രാമപഞ്ചായത്തിൽ യു.ഡി.എഫ്- 8, ബി.ജെ.പി​- 4, പി.ഡി.പി- 1, എൽ.ഡി.എഫ്- 8 എന്നതാണ് മുന്നണികളുടെ നില.