പേരയം: പേരയം പഞ്ചായത്ത് കേരളോത്സവം 30, ഡിസംബർ 1, 2 തീയതികളിൽ നടക്കും. കായിക മത്സരങ്ങൾ കുമ്പളം സെന്റ് ജോസഫ് ഇന്റർനാഷണൽ അക്കാഡമി ഗ്രൗണ്ടിലും കോട്ടപ്പുറം നയൺ സ്റ്റാർ ആർട്‌സ് ആൻഡ് സ്‌പോർട്‌​സ് ക്ലബ് ഗ്രൗണ്ടി​ലും കലാ മത്സരങ്ങൾ പേരയം ഗ്രാമ പഞ്ചായത്ത് ഹാളിലുമാണ് നടക്കുന്നത്. ഉദ്ഘാടനം 30ന് രാവിലെ 8.30ന് പേരയം ഗ്രാമ പഞ്ചായത്ത് പ്രസിഡന്റ് അഡ്വ. അനീഷ് പടപ്പക്കര നി​ർവഹി​ക്കും. 2ന് പഞ്ചായത്ത് ഹാളിൽ നടക്കുന്ന സമാപന സമ്മേളനവും സമ്മാനദാനവും പി.സി. വിഷ്ണുനാഥ് എം.എൽ.എ ഉദ്ഘാടനം ചെയ്യും. മത്സരങ്ങളിൽ പങ്കെടുക്കേണ്ടവർ 29ന് രാവി​ലെ 11ന് മുമ്പായി​ ഓൺലൈനായോ ഗ്രാമ പഞ്ചായത്ത് ഓഫീസിൽ നേരിട്ടോ അപേക്ഷ സമർപ്പിക്കണം. 2024 നവംബർ 1 ന് 15 വയസ് തികഞ്ഞതും 40 വയസ് കഴിയാത്തതുമായ യുവജനങ്ങൾക്ക് പങ്കെടുക്കാം. 6 മാസത്തിനുള്ളിൽ എടുത്ത പാസ്‌പോർട്ട് സൈസ് ഫോട്ടോയും വയസ് തെളിയിക്കുന്ന രേഖയും ഹാജരാക്കണം.