കൊല്ലം: കയർ തൊഴിലാളി ക്ഷേമനിധി ബോർഡിൽ അംഗത്വമുള്ള തൊഴിലാളികളുടെ മക്കൾക്ക് 2024-25 വർഷത്തെ ഡിഗ്രി, പ്രൊഫഷണൽ കോഴ്‌സുകളിലേക്കുള്ള വിദ്യാഭ്യാസ ധനസഹായത്തിന് അപേക്ഷ ക്ഷണിച്ചു. കയർ തൊഴിലാളി ക്ഷേമനിധിയിൽ അംഗത്വമെടുത്ത മേയ് 31ന് രണ്ട് വർഷം പൂർത്തിയാക്കി കുടിശിക കൂടാതെ വിഹിതം അടച്ചുവരുന്ന തൊഴിലാളികളുടെ മക്കൾക്കാണ് ധനസഹായത്തിന് അർഹത.

ഗവ. അംഗീകൃത സ്ഥാപനങ്ങളിൽ സർക്കാർ അംഗീകൃത ഫുൾടൈം കോഴ്‌സുകളിൽ ഡിഗ്രി, പി.ജി, പോളിടെക്‌നിക്, എൻജിനിയറിംഗ്, മെഡിസിൻ, അഗ്രിക്കൾച്ചർ, നഴ്‌സിംഗ്, പാരാമെഡിക്കൽ കോഴ്‌സുകളിൽ ഉപരിപഠനം നടത്തുന്നതിനാണ് ധനസഹായം നൽകുക. കയർ തൊഴിലാളി ക്ഷേമനിധി ബോർഡിൽ നിന്നുള്ള അപേക്ഷ ഫോറം വിദ്യാഭ്യാസ സ്ഥാപന മേധാവി സാക്ഷ്യപ്പെടുത്തി ജനുവരി 31നകം നൽകണമെന്ന് ചീഫ് എക്‌സി. ഓഫീസർ അറിയിച്ചു