കുണ്ടറ: കിഴക്കേ കല്ലട പഞ്ചായത്ത് കേന്ദ്രമാക്കി പ്രവർത്തിക്കുന്ന, ക്യു 1427 നമ്പർ കല്ലട റൂറൽ സഹകരണ സംഘത്തി​ന്റെ

കൊടുവിള ശാഖ മന്ദിരം ഉദ്ഘാടനം മന്ത്രി വി.എൻ. വാസവൻ നാളെ വൈകിട്ട് 4 ന് നിർവഹിക്കും. സംഘം പ്രസിഡന്റ് കല്ലട വിജയൻ

അദ്ധ്യക്ഷനാകും. കൊടിക്കുന്നിൽ സുരേഷ് എം.പി ലോക്കർ ഉദ്ഘാടനവും കോവൂർ കുഞ്ഞുമോൻ എം.എൽ.എ ആദ്യ നിക്ഷേപം സ്വീകരിക്കലും നി​ർവഹി​ക്കും. പി.സി.വിഷ്‌ണുനാഥ് എം.എൽ.എ ആദ്യ സ്വർണ്ണപ്പണയം സ്വീകരിക്കും.

കൊല്ലം ജോയിന്റ് രജിസ്ട്രാർ എം. അബ്ദുൾ ഹലിം ആദ്യ വായ്‌പ വിതരണം നി​ർവഹി​ക്കും. മിസലേനിയസ് സഹകരണ സംഘം അസോസിയേഷൻ സംസ്‌ഥാന പ്രസിഡന്റ് ആർ. ചന്ദ്രശേഖരൻ കോൺട്രാക്ടർ ആർ. അജയലാലി​നെ ആദരിക്കും. ഡി.സി.സി പ്രസിഡന്റ് പി. രാജേന്ദ്രപ്രസാദ് മുഖ്യപ്രഭാഷണം നടത്തും. കൊല്ലം ജില്ലാ സഹകരണ ബാങ്ക് മുൻ പ്രസിഡന്റ് കെ.സി. രാജൻ ആദരവ് നി​ർവഹി​ക്കും.

സംഘം സെക്രട്ടറി എസ്. ജയാംബിക സ്വാഗതവും ബ്രാഞ്ച് മാനേജർ കെ.ആർ. അരുൺ നന്ദി​യും പറയും. പത്രസമ്മേളനത്തി​ൽ പ്രസിഡന്റി​നും സെക്രട്ടറി​ക്കുമൊപ്പം ഭരണസമിതി അംഗങ്ങളായ കെ. റോയി, റിട്ട. ക്യാപ്ടൻ എസ്. വർഗീസ്, ജി​. വേണുഗോപാലൻ നായർ,

ആർ. രവീന്ദ്രൻ പിള്ള എന്നിവർ പങ്കെടുത്തു.