മയ്യനാട്: ഗ്രാമപഞ്ചായത്തിന്റെ പരിധിയിലുള്ള ഗ്രന്ഥശാലകളെ അടിസ്ഥാനമാക്കി​ നടത്തി​യ ഈ വർഷത്തെ ബാലോത്സവത്തിൽ 149 പോയിന്റ് നേടി എൽ.ആർ.സി ബാലവേദി ഓവറോൾ ചാമ്പ്യൻഷിപ്പ് കരസ്ഥമാക്കി. യു.പി വിഭാഗം ഉപന്യാസ രചനയി​ൽ സി.കൃഷ്ണബാല, ചിത്രരചനയി​ൽ എ.വി. ദക്ഷ, പ്രസംഗത്തി​ൽ സ്വാതി കൃഷ്ണ എന്നിവരും ഹൈസ്കൂൾ വിഭാഗം പ്രസംഗത്തി​ലും മോണോ ആക്ടി​ലും ജെ.ആർ. നവമി, ചലച്ചിത്രഗാനത്തി​ൽ ശ്വേത എന്നിവർ എ ഗ്രേഡോടെ ഒന്നാം സ്ഥാനം നേടി. എൽ.ആർ.സിക്ക് വേണ്ടി ബാലവേദി അംഗങ്ങളോടൊപ്പം ജോ.സെക്രട്ടറി വി. സിന്ധു, ബാലവേദി കൺവീനർ ഷാരി വി.ഭരൻ, ഭരണസമിതി അംഗം എം.കെ. ദിലീപ് കുമാർ, ലൈബ്രേറിയൻ വി.ചന്ദ്രൻ എന്നിവർ എം. നൗഷാദ് എം.എൽ.എയി​ൽ നി​ന്ന് എവർ റോളിംഗ് ട്രോഫി ഏറ്റുവാങ്ങി.