കൊ​ല്ലം: മ​ന്ത്രി​മാ​രു​ടെ നേ​തൃ​ത്വ​ത്തിൽ നടക്കുന്ന 'ക​രു​ത​ലും കൈ​ത്താ​ങ്ങും' താ​ലൂ​ക്ക് ​ത​ല പൊതുജന അ​ദാ​ല​ത്ത് ജി​ല്ല​യിൽ ഡി​സം​ബർ 19 മു​തൽ 26 വ​രെ ന​ട​ക്കും. പൊ​തു​ജ​ന​ങ്ങൾ​ക്ക് പ​രാ​തി സ​മർ​പ്പി​ക്കാ​നു​ള്ള പോർ​ട്ടൽ ഇന്ന് പ്ര​വർ​ത്ത​നം ആ​രം​ഭി​ക്കും. ഡി​സം​ബർ ര​ണ്ട് ​മു​തൽ www.karuthal.kerala.gov.in എന്ന വെബ് സൈറ്റ് മു​ഖേ​ന അ​ക്ഷ​യ സെന്റർ വ​ഴി​യോ അ​ല്ലാ​തെ​യോ പ​രാ​തി​കൾ സ​മർ​പ്പി​ക്കാം. ഒ​രു വ്യ​ക്തി​ക്ക് മൂ​ന്ന് പ​രാ​തി​കൾ വ​രെ സ​മർ​പ്പി​ക്കാം. ഡി​സം​ബർ 19ന് കൊ​ല്ലം, 20ന് കൊ​ട്ടാ​ര​ക്ക​ര, 21ന് ക​രു​നാ​ഗ​പ്പ​ള്ളി, 23ന് കു​ന്ന​ത്തൂർ, 24ന് പ​ത്ത​നാ​പു​രം, 26ന് പു​ന​ലൂർ താ​ലൂ​ക്കു​ക​ളി​ലാ​ണ് അ​ദാ​ല​ത്ത്. ജി​ല്ല​യി​ലെ മ​ന്ത്രി​മാ​രാ​യ കെ.എൻ.ബാ​ല​ഗോ​പാൽ, ജെ.ചി​ഞ്ചു​റാ​ണി, കെ.ബി.ഗ​ണേശ് കു​മാർ എന്നിവ നേ​തൃ​ത്വം നൽ​കും. ക​ള​ക്ട​റേ​റ്റിൽ ചേർ​ന്ന യോ​ഗ​ത്തിൽ ക​ള​ക്ടർ എൻ.ദേ​വി​ദാ​സ്, എ.ഡി.എം ജി.നിർ​മൽ കു​മാർ, സ​ബ് ക​ള​ക്ടർ നി​ഷാ​ന്ത് സി​ഹാ​ര, ജൂ​നി​യർ സൂ​പ്ര​ണ്ട് സ​ന്തോ​ഷ് കു​മാർ തു​ട​ങ്ങി​യ​വർ പ​ങ്കെ​ടു​ത്തു.